Football

Erakor Golden Star oli selebretem poen blong Tony Kaltak yestede. Foto: OFC

Tufala Vanuatu klab we naoia oli stap plei long Oceania Champions League, Nalkutan FC mo Erakor Golden Star oli kam blong mekem histri blong futbol long Vanuatu wetem olgeta win long dei 1.

Neva long histri blong futbol blong Vanuatu i lukim 2 Vanuatu klab oli openem champions lik wetem wan win.

Nalkutan FC we oli plei long wiken oli kam blong winim Ba FC long 1-0, mo yestede i lukim Erakor oli kam blong winim Solomon Warriors long wan sko blong 2-0.

Daily Sport i tingbaot toktok blong President blong Vanuatu Football Federation, we hemi talem long Nalkutan FC long Fraede aftanun las wik, bifo oli plei long wiken, we hemi askem Nalkutan FC blong kipim ‘momentum’ blong Gold long Pacific Mini Games i gohed long Champions League, mo pruvum se 2018 hemi yia blong yumi.

Erakor head coach, Obed Jimmy we hemi festaem blong hem olsem head coach long wan klab insaed long Champions League, hemi talem long Oceania Football Media, se hemi hapi wetem win, be oli nid blong impruv moa long hao oli finisim olgeta bol long fored.

Tony Kaltak mo Barry Mansale nao tufala i makem olgeta poen long 2-0 ova long Solomon Warriors yestede.

Wetem olgeta win ya, i lukim tede long 5pm, long Pool A bambae Nalkutan FC hemi pleiem Tupapa Maraerenga, mo Erakor Golden Star bambae oli pleiem New Caledonia klab AS Lossi olsem nekis maj blong olgeta.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.