Athletes

(L-R) Sharon Firisua, Diana Matakali mo Simon Charley bifo oli flae aot

Long Wednesde las wik i lukim trifala medolist blong 2017 Pacific Mini Games long Port Vila oli flae aot i go tekem pat long las marathon blong yia ya long Jinjiang City long China.

Gold Medolist blong Mini Games long distens Sharon Firisua mo Silver Medolist, Diana Matakai wetem tufala Vanuatu jampion, Simon Charley mo Armo Napuat oli flae aot long las invitesen blong yia ya we Chinese Athletics Association hemi sendem.

“Going blong olgeta i olsem wan bonus blong everi had wok we oli mekem long yia ya from wan wan long olgeta bambae hemi kambak wetem Vt250,000 olsem patisipesen fee,” President blong Athletics Vanuatu, Rex Issachar i talem.

“Armo Napuat nao hemi shud karem moa, from bambae hemi go kolektem aotstanding blong 3 nara marathon we hemi go bin tekem pat long hem, be oli no givim mane ya long hem yet.”

Issachar hemi talem se wetem patisipesen blong tufala Vanuatu jampion ya long olgeta Marathon long yia ya long China, stret afta long 2017 Pacific Mini Games, hemi olsem wan gudfala preperesen blong tufala from 2019 Pacific Games long Samoa, from oli kompit long wan hae level we i min se oli mas wok ekstra had blong kompit long level ya.

“Mi stanap tede olsem wan praod president blong talem se tufala Vanuatu jampion ya bambae oli save difendem taetol blong olgeta long 2019 Pacific Games.

“Mi wantem talem tankio long Chinese Athletics Association, Tafea Provins, Media mo olgeta sponsa mo Eksekiutif blong me, olgeta klab raon long Port Vila mo kaontri, mo no fogetem olgeta athlete blong mekem se spot ya athletics hemi kontiniu blong gro.

“Mi stap tekem taem ya blong wishim everiwan wan Meri Krismas mo Hapi Niu Yia 2019,” Issachar i talem.

Issachar i askem olgeta athlete blong no spell tumas, mo oli shud tekem taem ya blong kontiniu long olgeta trening sesen blong olgeta, from Pacific Games nekis yia.

Nekis yia Pacific Games bambae hemi stap long Samoa stret long namba 7 kasem 20 July.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.