Futbol

Erakor Golden Star FC kapten, Jason Thomas, long trening. Foto: Erakor GS FC Facebook

Oceania Football Confederation (OFC) 2019 Champions League Schedule hemi kamaot long wik ya.

Vanuatu klab jampion, Erakor Golden Star FC we bambae hemi hostem Group C long Korman Stadium, bambae oli kikim off fes maj blong olgeta long namba 23 February long 5pm wetem Qualifying Stage Runner Up blong olgeta Polynesian kaontri olsem Tonga, Cook Islands, Samoa mo American Samoa.

Sekon maj blong olgeta bambae oli pleiem Ba FC long namba 26 February, bageken long 5pm.

Las maj long namba namba 1 March long 5pm, bambae oli pleiem olgeta OFC Champion, Team Wellington, we oli oli jas kambak long World Club Championship.

Olgeta Vanuatu klab rana ap, Malampa Revivors FC bambae oli travel i go daon long Kone long New Caledonia, ples we bambae Group A oli stagem.

Fes maj blong olgeta long namba 10 March stret long 5pm, bambae oli pleiem olgeta host mo semtaem jampion blong New Caledonia, Hienghène Sport.

Sekon maj blong olgeta long namba 13 March long 2pm, bambae oli pleiem Lae City Dwellers FC.

Las maj blong olgeta long namba 16 March long 2pm, bambae oli pleiem olgeta Tahiti jampion, AS Tefana.

Tufala Vanuatu jampion ya i lukim oli stap tren had naoia from wan manis nomo i blokem olgeta.

Erakor oli karem seves blong samfala pleia insaed long Port Vila Football Association premia divisen, olsem Diego blong Galaxy FC, tufala Coulon brata blong Tafea FC, Barry Mansale blong Galaxy FC, Kevin Iata blong Tafea FC mo Jackson Tasso blong BSP Amicale FC.

Malampa Revivors FC oli karem help blong samfala premia divisen pleia olsem, Joseph Iaruel blong Galaxy FC, Leo Moli blong Tafea FC, Selwyn Vatu blong Shepherds United mo Jeffery Bob blong BSP Amicale FC.

Olgeta pleia ia oli stap long trial kasem faenol list blong tufala klab jampion, Vanuatu Football Federation i skrinim mo sendem go long OFC.

Daily Sport i andastan se yestede aftanun i shud faenol deadline blong sendem olgeta list i go long OFC.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.