Games

Vanuatu captain Jacky Ruben and Sydney FC Youth captain in the pre match ceremony. Photo: Sydney FC Tweeter

Vanuatu Football Federation (VFF) President, Lambert Maltock, hemi kam blong anaonsem objectif blong Vanuatu tim long Pacific Mini Games.

“Main objectif hemi blong winim Gold Medal we mifala i setem i stap finis sins beginning blong yia ia. Mifala bin hope bigwan se bambae Vanuatu Government bambae i helpem VFF wetem wan foreign koj olsem we mifala i bin talemaot finis ia, be i neva happen nomo.

“Time mifala i kam bak long U20 WC lo Korea, most long budget blong VFF blong yia ia 2017 i go long U20. Mifala i mas kanselem assistens blong foreign koj nomo from nomo se Government ino bin save meetim budget blong plan mo request blong VFF. Government hemi givim nomo Vt1.5 milien blong tim blong man mo woman we hemi no inaf blong meetim employment conditions blong wan foreign koj, we hemi samples long klosap Vt800,000 blong 3 manis totol minimum blong Vt2,400,000.

“ Sapos mifala disaed blong karem wan foreign koj long ekspens blong mifala, bambae i no gat trip blong camp long Australia. So mifala i mas work wetem wanem nomo mifala gat wetem olgeta top lokol koj blong yumi,” VFF President i talem.

Maltock hemi talem se nomata se foreign coach ino stap mo tu sam impoten senior pleia blong yumi, oli no wantem rispon long call blong VFF blong joinem skwad, still objectif blong VFF hemi blong winim Gold i stap strong nomo wetem olgeta yang pleia we oli stap mo tim ofisol.

“Tim hemi yang, long interest long fiuja, hemi good preperesen tu tuwods fiuja nasonal tim from sam long veteran pleia naoia bambae oli nomo save stap long nekis Pacific Games o senior men’s world cup qualifications.

“Bambae yu jes luk olgeta nara kaontri olsem New Caledonia mo Tahiti, sapos oli kam bambae oli kam wetem U20 blong olgeta nomo from oli wantem preperem niu nasonal tim blong olgeta.

“Mi sori se mi no save fosem Government from hem tu i fesem problem but yumi wok wetem wanem nomo we yumi gat,” Maltock i talem.

President blong VFF hemi biliv strong se tim i save winim Gold long Mini Games, mo hemi stap pray from long end blong dei hemi biliv se prayer blong hem mo everi man Vanuatu we oli laekem futbol, bambae bigman i ansarem prayer blong olgeta.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.