Saot Efate Shefa Futbol Asosiesen (SESFA) Top 4 Digicel Supa Lik hemi endem olgeta gem blo hem lo las Satedei lo Korman fil.

Lo grand faenol maj, Nuvi FC hemi kam in blo pruvum hem olsem jampion klab insaed lo Shefa provins taem hemi winim wan strong Fenua Temanu FC tim lo wan sko blo 3-2.

Lo gem blo namba 3 mo 4 ples i lukim Fatukei FC hemi kam blo winim Milo FC lo wan sko blo 3-2.

Insaed lo ol top 4 digicel supa ligue ya i lukim Steven Atis (Nuvi FC), hemi stap olsem top skora blo tounamen ya wetem 3 gol, folem wetem Tulangi Samiu(Fenua FC),Charlie Lai(Nuvi FC) mo Beten Jack (Fatukei FC) wetem 2 gols mo ol nara pleia wetem 1 gol.

SESFA ofisol, Michael Joseph hemi talem lo Daily Sports se Fenua Temanu FC, weh emi rana-up blo Nuvi FC bae hemi ko down lo Tanna blo ple wetem olgeta top 3 tim blo Southern region blo wan spot insaed lo Nasonal Supa Ligue (NSL). Semtaem, bae i lukim rana-up blo Southern region bae I kam plei agensem trifala top 3 blo SESFA Digicel tounamen ya. Hemi se Nasonal Supa Lik i shud kik off lo ol gems blo hem lo wiken ya.

Johnny Kalowia, SESFA kodinata hemi talem se afta lo ol top 4 digicel jampionsip ya, bambae ol tim ya oli qualify direct lo NSL Southern region we VFF bambae hemi hostem long namba 12 to 16 Novemba 2018. Hemi konfemem se wan pool bae i tekem ples long Teouma Academy mo narawan lo Lamenu Stadium long Tafea Province.

SESFA Presiden, Michel Kalworai, hemi acknolegem local oganising komiti blo savei leko tufala tims blo Epi, Milo FC mo Nuvi FC blo savei kam patisipet.

Long ol nara apdeit blo SESFA, opening Knokaot blo SESFA jampions lik tu i stab kohed iet wei i lukim lo Fraedei las wik, lo Erakor Engis fil, Naka FC hemi winim Eranias FC lo 3-2. Lo nara maj, Matantapoa FC hemi winim Pango lo 4-0, mo las maj, Taturu FC hemi winim Sixstar FC lo 3-0.

Mr Kalworai hemi talem se afta lo 3 yia, SESFA i bin lukim namba blo ol klabs i inkris lo 8 kasem 13 mo i stab aknolegem ol bisinis aos lo sapot blo olgeta sins lo stat blo asosiesen i kam. Hemi talemaot tok tankiu tu lo jif mo komuniti blo Erakor mo Freswota blo savei hostem olgeta gem lo premises blem.

SESFA i stap apil lo ol bisnis aos blo savei sponsa lo olgeta fiuja SESFA man mo woman lik developmen blo hem mo tu lo knokaot blo hem.

Lo ol maj blo Fraedei, lo Erakor fil,bae i lukim Tekapu FC bae i plei Rentapao FC lo 11am. Lo 1pm, Taturu FC hemi plei Taputi FC mo lo 3pm, Naka FC i plei Silverstar FC.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.