Futbol

Joses Nawo bambae i no plei long 2 maj from red kad las wiken

Solomon Islands intanasonal, Joses Nawo, we hemi karem wan red kad long Sarere wetem Ba FC, bambae hemi missim full group stej.

Konfemesen i kamaot daerek long Oceania Football Confederation se Nalkutan FC bambae hemi missim seves blong Nawo long maj wetem Tupapa Maraeranga FC mo Toti City FC.

Hemia i minim se sapos Nalkutan hemi kwalifae from sekon stej, bambae Nawo i jas save plei, from red kad i minim se hemi saspen blong 2 maj.

Tim Maneja blong Nalkutan, Yakar Silas i kamaot blong konfemem se hemi risivim saspensen leta blong Nawo yestede se bambae hemi no plei blong 2 maj.

I no Nawo nomo, be i gat lukluk tu i stap se Raoul Coulon tu we hemi kasem kill long hed blong hem las wiken, hem tu bambae hemi no plei long tufala las Group maj ya.

Koj Moise Poida, we hemi wan hapi man las Sarere, hemi talem se Nalkutan win las wiken hemi impoten mo naoia oli stap luk fowod finis blong pleiem Tupapa.

“Yumi respectem olgeta, nomata we oli lus long wan hevi sko, bambae mifala i plei long wei we mifala i stap plei long hem, follem olgeta strateji we mifala i wok long hem long trening.

“Mifala gat wan dei nomo i stap blong mifala i traem wok long wea ples mifala i feil long hem, mo impruv long nekis gem, mo traem winim nara 3 poen,” Poida i talem.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.