Futbol

Tafea oli selebretem poen blong Daniel Natou yestede

By Raymond Nasse

Yestede long Port Vila Stadium dei 4 blong Port Vila Football Association i lukim Tafea FC i kam blong winim Siaraga long 2-1.

I tekem 3 minit blong Tafea hemi openem sko, taem we i lukim Eddison Stephen hemi swingim in wan bol long saed blong krismas tri i kam insaed, be i lukim Siaraga kipa Alick, hemi pushum aot bol ia i go stret long hed blong Tommy Godden we hemi hedem in bol ia.

Tafea oli bin dominetem full fes haf wetem ova long 5 klia janis blong sko, be oli no save komplitim nomo.

Long sekon haf stret long namba 75 minit, wan kona blong Siarga i lukim raet bak blong Siaraga hemi hedem bol i go diflek long Daniel Natou mo bol i go insaed long net, blong putum sko long 1-1.

Taem we olgeta fans long tugeta saed i stap ekspektem wan dro long 89 minit, wan fri kik stret antap long benwar tri, i lukim Natou hemi sendem bol ia ovarem wol mo go stret insaed mo semtaem winim maj ia blong Tafea FC.

Wetem win ia Tafea hemi lid naoia long klasmen.

Long olgeta maj blong tede stret long 11am, Shepherds United i pleiem Digicel Amicale, 1pm, Mauwia i pleiem Ifira mo long 3pm Tupuji i pleiem Erakor.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.