Futbol

Saby Natonga (raet) i stap handem ova olgeta kaikai long Malampa Revivors kapten, Claude Aru

Wan long olgeta lokol bisnisman long Port Vila, Saby Natonga hemi kam blong sapotem Malampa Revivors FC wetem donesen blong sam kaikai.

Malampa Revivors oli bin kam las wik mo oli stap camp long Teouma Academy long own ekspens blong olgeta.

Everi yia yumi save finis se preperesen blong go long wan Oceania Champions League tunamen hemi no jip, lokol bisnisman Natonga hemi step in blong givim 2 Carton Chicken wings mo 5 bag rice i go long Malampa Revivors long Teouma Academy.

Handing ova blong olgeta kaikai hemi gat wan storian blong hem, we futbol nao hemi bihaen long hem.

Natonga we hemi blong aelan blong Tanna, hemi fes bisnisman long Vila we hemi aotsaed long Provins blong Malampa, hemi kam blong helpem wan klab we i no blong provins o taon blong hem.

Natonga hemi bin statem futbol karia blong hem mo kam man we hemi stap tede long Yatel FC, wan klab we olgeta man Paama nao long Malampa Provins oli statem.

Koneksen ya nao i mekem taem Malampa Revivors hemi kasem Vila, Natonga hemi fil se hemi mas step in blong help pem sam kaikai olsem wan kaon blong hem we hemi nid blong pem bak long Malampa.

Long toktok blong hem, koj blong Malampa Revivors, Kaison Maki we hemi stap blong risivim olgeta kaikai long taem ya hemi talem tankio long wan bisnis man blong wan nara provins we hemi save step in blong helpem olgeta wetem olgeta kaikai ya.

Malampa Revivors yestede oli bin mekem wan frenli wetem Erakor Golden Star mo oli kam blong lusum maj ya agensem wan strong Erakor saed long wan sko blong 3-1.

Malampa hemi bin dominetem sekon haf be oli no save konvetem olgeta janis blong olgeta nomo.

Malampa bambae hemi mekem sam moa frenli bageken long wik ya, be bambae oli jas anaonsem se wetem wanem klab stret.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.