Athletics

Tu dei Vanuatu National Athletics Championship i end wetem wan bigfala sakses afta we i lukim 312 athletes raon long Vanuatu oli faet had blong bukum nem blong olgeta long National Championship blog 2018 .

Long taem ia level blong pefomens blong olgeta athlete i drop lelebet kompea long Mini Games we i bin happen las yia mo Melanesian Games long mania May yia ia.

Nomata long hemia Executive board blong athletics i rili hapi long overall pefomens blong everiy. Sam long olgeta athlete we oli bin kam long provins oli bin givm wan very challenging competition lo ol Vanuatu reps blo yumi espeseli long event blong 800MN blong olgeta boy mo girl , 1500M mo high jump blong olgeta boy.

Executive i bin indentifyem fiinis sam long long athlete blong save stap long pri skwad tuwods Pacific Games nekis yia long Samoa 2019.

Afta long 2 dei kompetisen ia Executive board blong Athletics Vanuatu i bin givim praes mane long everi wina we totol amaon blong everiwan i kasem Vt500,000. Totol amaon hemi hemi inkludum olgeta fes, sekon mo namba 3 praes.

“Funding ia i bin kam through lo ( OAA) Oceania Athletics Association thru long (IAAF) International Athletics Amateur Federation . OAA i asurrim Executive tu se bambae funding i available bageken nekis yia long 2019, long nekis Vanuatu National Athletics Championsip we bambae i tekem ples long Lamenu stadium long Tafea provins, long manis Okis 2019,” President Rex Issachar i talem.

Executive board blong Athletics Vanuatu i tekem taem ia bageken blong talem bigfala tankio blong hem long everi athletics klab long Port Vila, olgeta skul long Shefa mo olgeta Provincial lik we oli bin mekm effot blong save sendem olgeta representatif athlete blong olgeta i kam tekem pat long National Shampionship ia.

Long narafala nius blong athletics, Issachar i konfem tu se long list blong athletics Vanuatu i kasem Vasanoc ofis vinis konsenem Pacific Games we bambae i tekem ples lo nekis yia stret long manis long Samoa. Athletics Vanuatu i stap plan blong sendem 25 best athletes blong olgeta blong tekem pat long bigfala rijinol games ia .

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.