Nalktuan mo Toti oli kwalifae from kwota faenol

Nalkutan FC kapten, Jeffery Tes mo Raoul Coulon oli selebretem poen blong Raoul yestede

Olgeta aksen blong Pool A blong Oceania Champions League yestede long Korman Stadium i lukim olgeta Nalkutan mo Toti City oli kam blong konfemem ples blong olgeta insaed long kwota faenol.

Follem niufala fomat, i lukim fes mo rana ap blong wan wan Pool bambae hemi go daerek long kwota faenol.

Nomata we hemi gat wan maj dei yet blong pleiem,tufala klab ia i kwalifae finis,mo bambae i lukim las dei long Fraede wik ya, tufala i plei blong faenem wina mo rana ap.

Fes maj blong dei, Toti City FC oli kam blong stoppem eni janis blong Ba FC i go thru long kwota faenol, taem wan poen blong Tutizama Tanito hemi kam blong mekem diferens long maj ya.

Win blong Toti i lukim oli knockem aot Ba FC long 2018 edisen blong kompetisen.

Sekon maj blong dei olgeta host, Nalkutan FC oli kam blong winim wan difensif,Tupapa Maraerenga FC long 4-0.

Azariah Soromon, Raoul Coulon, James Naka mo Roddy Lenga oli putum nem blong olgeta long sko sheet.

Maj ia i lukim Naka hemi karem wan red kad mo bambae hem mo Joses Nawoi no plei long las pool maj wetem Toti City.

Naka bambae hemi jas plei long ‘return’ maj blong kwota faenol.

Nalkutan FC koj, Moise Poida, i talem se hemi glad long win mo oli kasem objektif blong olgeta finis, we hemi kwalifae from kwota faenol,mo naoia oli muvum fokas blong olgeta finis i go long las maj.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.