Ministri blong Ediukeisen mo Trening (MOET) I sapotem olgeta pleia long Vanuatu Soka Tim blong ol man wetem Vt440,000.

I gat 22 pleia evriwan mo eij wan long olgeta I kasem Vt20,000 eij olsem insentiv blong olgeta blong go long Pasifik Mini Gems.

MOET Minista Jean Pierre Nirua I mekem handing ova blong mani ia long Wednesdei, namba 3 Julae taem hem I mitim ol pleia long konferens rum blong MOET.

Long semfala ivent, Minista Nirua I handem ova flag blong Vanuatu I go long Nasonal Soka Tim blong ol man mo I askem olgeta blong plei wetem dignity mo rispek oltaem.

“Ivent blong tede hem I shoem long yufala wan mo taem se ol pipol blong Vanuatu, espeseli ol pikinini oli gat hae trast mo hop se bae yufala save pleiem wan gudfala gem,” Minista Nirua I talem.

“So yufala mas ple wetem dignity mo rispek oltaem mo praod se yu wan Vanuatu Sitizen mo pefom long haest standed blong yu.”

MOET hem I stap olsem Patron blong Nasonal Tim blong ol man lo soka long taem blong Mini Gems long 2017, mo thru long Ambassada Program blong Gavman nao I mekem se MOET I save sapotem ol pleia blong Nasonal tim long ivent ia tu.

Long bihaf blong Nasonal Soka Teknikol Tim blong ol man, Albert Manaroto I talem bigfala tank yu long sapot we MOET I givim long ol soka pleia.

Mr Manaroto I talem se olgeta pleia oli bin tren had plante blong mekem sua se bambae oli putum aot wan gudfala gem long Samoa.

Hem I talem tank yu tu long evri staff blong MOET, espeseli nao oli pikinini blong save sapotem Vanuatu Soka Tim blong ol man oltaem.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.