FUtbol

Kalo wetem olgeta fren, famili mo Consul General long Airport yestede moning

By Raymond Nasse

Yestede long 5am, Consul General blong Vanuatu long Hong Kong, Andrew Leong, President blong Port Vila Football Association, Stephen Felix mo CEO blong VASANOC, Henry Tavoa mo olgeta fren mo famili oli kam blong talem tata long Bong Kalo.

Kalo we hemi flae aot long 7.15am yestede blong go long Madrid, Spain, blong trial wetem Deportivo Leganes, hemi flae aot wetem koj, Moise Poida, we bambae

hemi karem Kalo i go kasem Madrid mo wet long hem i trial finis, sapos i gud bambae Poida hem wan i kambak, sapos no be tugeta i kambak bageken.

“Mi stap go ya wetem wan ‘heart’ blong lion we i hangre blong givim kill, mo bambae mi yusum hangre ya blong winim trial blong mi,” Kalo i talem hemia long Daily Sports taem hemi stap long Sydney blong jam long plen i go long Hong Kong.

“Mi karem olgeta gudfala toktok finis long Sande naet long olgeta fren, famili, jif mo kolik long Tafea FC mo bambae mi no letem eni wan daon from mi stap go ya blong soemaot long Europe se yumi long Vanuatu tu i save plei futbol.

“Mi nidim preya blong yufala nomo blong karem mi go kasem end blong trial blong mi we mi luk fowod finis blong karem wan profesonol kontrak wetem Deportivo.

“Mi stap go ya nao blong openem rod blong olgeta lokol pleia i go long Europe.”

Kalo hemi wantem tekem taem ya blong talem tankio long olgeta ya:

-Au Bon Marche

-Consul General, Andrew Leong

-Minister blong Education, Jean Pierre Nirua

-Minister blong Public Utilities, Jotham Napat

-CEO blong VASANOC, Henry Tavoa

-Port Vila Football Association

-Tafea FC

-Shepherds United FC

-Koj Moise Poida

-Everi fren, famili mo fan we oli bin helpem long rod blong hem i kam kasem naoia

Kalo hemi se i stap go ya blong stap kasem end blong 2017/2018 sisen.

Daily Sport i andastan se hemi stap go trial long sekon tim blong Deportivo Leganes, we oli stap plei long namba 3 divisen blong La Liga, we i min se eni taem hemi mekem gud oli save putum hem long fes tim long La Liga.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.