Mi biliv strong long decentralization: Maltock

(L-R) Airports Vanuatu Limited CEO, Jason Rakau i stap handem ova wan jek blong Vt500,000 i go long Erakor

Golden Star President Johnson Wabaiat, afta long 2-1 blong Erakor ova long Marist FC.

Naoia we Malampa Revivors hemi aot long kompetisen finis blong go kasem semi faenol blong Oceania Champions League, Erakor Golden Star hemi gat hop iet long ekspens se Marist FC i winim AS Tefana long wiken ya mo olgeta i winim Rewa long wan gudfala sko from bambae gol avarej nao

i disaedem.

Daily Sports hemi askem tingting blong President blong Vanuatu Football Federation abaot pefomens blong tufala klab representatif long Oceania

Champions League.

“Taem Malampa Revivors FC i bin lus 5-2 mo Erakor GSFC i bin lus lo 4-2 hemi soem se hemi fes ovasi eksperiens blong tufala mo ‘lack of confidence’ wetem ‘weak’ preperesen long hom. Tugeta i pleiem olgeta

lokol maj nomo blong priperem tufala. Malampa blong hem oganaesesen i no bin stret tumas i mekem i affektem tim bigwan,” President Maltock i talem.

“Sekon maj Malampa kolosap i dro afta we hemi lus long las minit from nomo oli stat blong lanem from mistake mo oli winim bak konfidens.

Mi stap ekspektem se Malampa bambae i karem 1 bigfala namba from Western United i made up long plante nasonal pleia blong Solomon Islands we oli gat moa eksperiens ovasi mo long rijinol futbol, be i lukim oli jas lus long 2-1.

“Wetem skolaen ia mi sapraes mo semtaem mi hapi bigwan from, oli pruvum se rurol futbol blong Vanuatu hemi strong mo hemi save kam moa

strong sapos yumi kontiniu blong givim oppotiuniti blong ‘exposure’ mo aotsaed eksperiens. Wetem result blong wan rurol tim olsem, Oceania

Football Confederation hemi witnessem long eye blong hem se sapos yumi kontiniu blong invest long rurol bambae futbol long kaontri blong yumi kam

moa strong.

Wetem risal ia yumi save konkludum naoia se risal blong Malampa mo Erakor las taem long Santo hemi no wan fake risal o wetem Ifira long 2015 i no by chance, mo futbol blong yumi i save go antap moa sapos yumi givim janis long olgeta.

“Wetem Erakor, mi stap mi wajem fes maj ia wetem Minister blong Youth mo Sports mo 1st PA blong hem. Mi talemaot finis long facebook page blong Russel Josiah se Erakor hemi‘the best’ tim long Group D long Tahiti. Oli ‘fast, very technical, skillful, physically fit and well organised’. Oli bin

kat plante janis blong sko be oli jas mestem nomo after AS Tefana i kapitolaes long rong ruling blong rafri nomo mekem se oli lus.

“Blong mi talem stret, Erakor i shud winim maj ia long 5-4 o 5-3. Be tede mi hapi blong harem se oli bin winim Marist from Brazilian Coach, Juliano

Schmelling hemi confessem long intaviu blong hem long Tahiti se bambae hemi no isi blong Marist i save winim Erakor from oli fast, active, skillful mo

oli save wanem oli stap mekem,” Vanuatu Football Federation President i talem.

Bifo Presdent Maltock hemi leko Tahiti blong go long FIFA U20 World Cup dro long Korea, hemi go visitem olgeta mo toktok wetem olgeta, mo talem

se hemi praod tumas long game blong olgeta nomata long lus.

“Mi talemaot hamas Oceania Football hemi hapi long desisen we VFF i tekem blong yusum Malampa mo Erakor blong mesarem wea ples nao futbol blong Vanuatu i stap long hem. Mi talem long Oceania Football se bambae yufala i wajem long wik ia, tru futbol blong Vanuatu wetem olgeta knowledge mo skill mo potential blong olgeta, thru long olgeta lokol koj we oli fomem olgeta, bambae olgeta i save witnessim.

“Mi praod blong talemaot namba 15 September 2017, hemi ‘new era’ long futbol blong Vanuatu, hemi wan ‘turning point’ blong yumi lukluk bak mo

pruvum se Vanuatu Elite Football Programme i kam reality. Sapos everi Memba Assosiesen oli wok had bambae ino tekem 5 yia blong wan lokol tim long wan long olgeta rurol assosiesen i kam jampion blong Vanuatu

mo even go kasem faenol blong Oceania Champions League.

“Sapos yumi kontiniu long rod ya, mi biliv se bambae hemi save helpem tu nasonal tim blong yumi, from naoia bambae i gat wan bigfala ‘base’ blong seleksen we bambae oli kompit from wan spes insaed long nasonal tim.

“Mi biliv strong long decentralization.” Erakor FC bambae hemi plei tede long 3pm wetem Rewa FC blong Fiji mo Malampa Revivors FC bambae hemi plei tede long 2pm.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.