MG Tafea FC hemi 2018/2019 PVFA premia divisen jampion

2018/2019 PVFA jampion MG Tafea FC

Nomata we MG Tafea FC hemi dro las wiken wetem BSP Amicale long 0-0, be oli klemem 2018/2019 premia divisen jampionship las wiken finis.

Hemi 11 yia sins Tafea FC hemi tekem taetol ya mo las wiken oli simentem wetem 0-0 dro wetem BSP Amicale.

Tafea FC koj Richard Iwai we hemi bin stap wetem olgeta boe blong hem sins dei ya, olsem wan foma pleia blong Tafea hemi wan hapi man, from aim blong olgeta oli ajivim finis, naoia oli jenisim focus i go long Top 4.

“Blong yu kojem wan tim hemi no wan isi samting. Blong yu win i nidim wan gud manejmen, sapot long olgeta fan mo sponsaship, olgeta samting ya nao i mekem se tim hemi win tede mo mi rili hapi from ajivmen ya,” Koj Iwai i talem.

“Olsem yumi everiwan i save mi bin pat blong tim blong Tafea we i winim jampionship, 15 yia lo wan row anda long koj Robert Calvo, mo tede mi praod olsem wan student blong Robert Calvo blong save winim jampionship bageken olsem wan koj.

“Naoia afta long aim blong mifala we mifala i winim finis (jampionship), bambae mifala jenisim focus i go long Top 4, mo mifala i save se bambae hemi no isi, be bambae mifala i wok long hem.

“Bifo mi foget mi wantem talem tankio long Tim Maneja, olgeta sapota, sponsa blong klab MG Global mo olgeta sapota mo foma pleia we oli helpem klab long sisen ya.

“Mi no foget tu Robert Calvo we thru long hem nao mi kam man olsem we mi stap tede, olgeta family we oli stap prei mo tekem tamafa sins dei ya, yumi everiwan ya nao i putum had tugeta mo wokbaot wetem tim kasem yumi winim jampionship ya bageken afta long 11 yia,” Iwai i talem.

Long olgeta nara maj las wiken, i lukim Tupuji Imere hemi kam blong winim Ifira long wan sko blong 4-1.

Port Vila Football Association bambae hemi jas kamaot blong givim olgeta klasmen mo tu anaonsem stret deit blong Top 4.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.