Cup

Las yia Air Vanuatu Social Club oli bin mekem wan tour i go daon long Solomon Islands blong mekem sam spot eksjens wetem Solomon Airlines Social Club long we.

Afta long tour ya, tingting blong statem wan Melanesian Airline tunamen olsem i kam antap.

Long yia ya toktok i bin go raon long olgeta Melanesian Airlines, Fiji Airways, Air Niugini mo Solomon Airlines blong oli pat long wan tunamen olsem mo rispons i kambak i good.

Air Vanuatu nao i agri blong hostem fes eva tunamen ya, mo fanresing blong Social Club i stat finis long beginning blong yia ya wetem wan taget blong Vt500,000, we hemi bajet blong oli nidim blong ranem kompetisen.

Social Club i bin statem smol smol fanresing long everi pay dei, mo i go kasem wan taem we Air Vanuatu kampani i luk save wanem oli stap mekem mo oli bakemap tingting ya, i no faenansoli be wetem yus blong venue blong fanresing mo samfala moa.

Taem we fanresing mo preperesen i stap go gud Fiji Airways i pullaot, mo i leko Solomon Airlines, Air Niugini mo Air Vanuatu nomo i stap.

Air Vanuatu Social Club i aprojem Vanuatu National Sports Commission, mo olgeta i givim wan gudfala ofa blong oli yusum Korman Stadium.

Naoia we i stap deit blong kompetisen oli putum se Oktoba 5 mo 6, entrens fee hemi Vt100.

Long tufala dei ya bambae i gat 7 a side futbol blong man mo woman, basketball, voleibol mo dart kompetisen we trifala Melanesian Airline Social Club oli kompit long hem.

Air Vanuatu Social Club i stap invaetem olgeta Business Haus Social Club raon long Port Vila blong go sapot mo lanem aot hao impoten nao kaen ivent olsem i save strengthenem rilesenship long rijinol level.

Wan long olgeta mein risen from wanem oli statem tingting ya hemi, oli stap kontaktem olgeta everi dei be oli neva save se who stret nao oli stap kontaktem. Kaen ivent olsem i gud blong karem olgeta i kam wan ples mo mekem plei spot mo semtaem save olgeta stret hemi whu, taem oli mi fest u fes.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.