Port Vila Football Association (PVFA) premia divisen sekon leg i bin kik off long yestede long Port Vila Stadium.

Hemi festaem bageken we olgeta fan oli bin mekem wei blong olgeta i go blong wajem olgeta premia divisen aksen long 9am kasem 5.15pm.

Fes maj blong dei, Mauriki FC hemi pleiem Siaraga FC.

Maj ia i gat wan poen nomo i kamaot long wan penalty, afta we i lukim Siaraga difens i bin foulem straeka blong Mauriki insaed long box, mo Mauriki midfilda, Pako Rakom, hemi konvetem penalty, mo semtaem handem tim blong hem fes eva win long sisen ya.

Sekon maj blong dei, Ifira Black Bird FC hemi kam blong winim Tupuji Imere FC long wan sko blong 1-0.

Poen blong maj ia i kamaot long long fri kik, afta we full difens blong Tupuji oli stanap blong wajem bol ia i kam insaed long box, be oli mestem marking blong olgeta, afta we Moffat Kilifa hemi stanap hem wan insaed long box, mo hedem bol ia i go insaed long net.

Win blong Ifira ia hemi putum olgeta long fored blong klasem we bambae PVFA hemi jas ofisoli kamaot blong givim klasem long wik ia.

Namba 3 maj blong dei, Mauwia FC mo Tafea FC we oli bin dro long fes leg blong jampionship, oli mit bageken.

Maj ia i lukim Mauwia FC top skora, Niko Apal, hem nao hemi skorem onli poen blong maj ia insaed long namba 2 minit blong fes haf, blong sekiurum upset 1-0 win ia ova long Tafea FC.

Las maj blong dei, Digicel Amicale oli kam blong dro wetem Erakor Golden Star FC long 1-1.

Gibson Daudau hemi openem sko long fes haf, afta we hemi sendem wan kona kik i go daerek insaed long gol, be i lukim Gershom Kalsong, hemi denyem Digicel Amicale wan win, taem we hemi markem ikwalaesa leit insaed long sekon haf.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.