Afta long Champions League we i lukim Digicel Amicale kapten mo Vanuatu nasonal tim kapten, Fenedy Masauvakalo mo Kensi Tangis oli aot go joenem olgeta niu kama long tunamen ya, AS Central Sportif blong Tahiti, tufala pleia ia stap enjoyem taem blong olgeta long we.

Nomata we tufala i stap long Tahiti pleiem wan niufala kaen futbol bageken mo eksperiensem wan niufala kalja, lanwis mo envaeromen, everi wik Vanuatu kapten, Masauvakalo hemi mas kasem Daily Sport online blong askem wanem nao latest long Port Vila Football Association Premia jampionship.

Masauvakalo i talem sins afta long Champions League Group maj long Noumea, olgeta i go bak long Tahiti mo pleiem 3 jampionship maj finis.

Masauvakalo i talem se hemi rili laekem niufala klab blong hem mo i lanem plante niufala samting wetem AS Central.

Masauvakalo i talem se laef long we i sas be olgeta i laki se klab hemi lukaotem gud olgeta mo oli sapotem olgeta insaed mo aotsaed long fil.

Vanuatu nasonal tim kapten i talem se hem mo Kensi bambae tufala i kambak spell long manis June mo go bak bageken kasem kontrak blong tufala i finis long nekis yia wantaem.

Long nara nius blong futbol, Vanuatu U20 difenda, Jason Thomas, hemi no go iet long New Zealand blong joenem Vanuatu U20 World Cup tim.

Daily Sport hemi kajap wetem Thomas mo hemi talem se hem tu i stap wet iet long Vanuatu Football Federation blong go bak long hem.

Vanuatu U20 bambae oli mekem wan frenli tunaet wetem Auckland City.

Long nara nius blong Port Vila Football Association, jampionship bambae hemi kik off bageken tede long Port Vila Stadium long 3pm. Taem ya bambae i lukim Seveners i pleiem Kings United.

Long Fraede, long Port Vila Stadium long 3pm, Mauriki i pleiem Tupuji.

Long Antoine Rossi fil long 3pm, Galaxy i plei Black Diamond mo long Kawenu fil 3pm, Lakotau i plei AS Ambassador.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.