Futbol

Vanuatu Beverage i stap handem ova olgeta carton wota long Malampa Revivors FC. Port Vila LOC memba, Rex Issachar

Malampa Revivors FC i redi blong lego kaontri long nekis wik long Wednesday namba 30 January 2019 mo bambae oli go spendem 1 week long Noumea fastaem bifo tim i move go daon long Kone, from Group A OFC Champions League kampen.

Long Noumea, New Caledonia, bambae tim hemi mekem 2 frenli long we.

Fes frenli long namba 31 January, bambae oli pleiem AS Magenta. AS Magenta hemi stap long Group C we Erakor nao hemi hostem long Korman Stadium.

Sekon frenli long namba 4 March, bambae oli pleiem AS Montdore.

Olgeta frenli ya konfemesen i kamaot long Malampa Revivors FC se Vanuatu Football Federation mo New Caledonia Football Federation oli agri long hem finis, olsem preperesen blong 2019 OFC Champions League blong tufala kaontri.

Malampa Revivors FC sakses blong wokbaot blong hem i kam thru nomo long olgeta Platinum Sponsors olsem Vanuatu Beverages we oli givim 50 carton wota i go long tim, MP Matai Seremaiah mo nara kolik MP Marc Ati, Port Vila Municipality, Malekula Distribution Centre, SSP Fuel, Au Bon Marche, Vanua Printing, Melanesian Hotel, Saby Natonga, Vanuatu Gavman, Pacific Petroleum, Chicko Farm mo plante nara sponsa moa we olgeta i save se olgeta whu ya.

Thru long sapot blong olgeta sponsa we oli nemem olgeta antap ya, Malampa Revivors FC i mekem histri taem oli karem 3 Waitakere United pleia, we long wik ya New Zealand Football i grantem ITC blong olgeta, we i mekem tede oli ofisoli olgeta Malampa Revivors pleia.

MP Seremaiah i konfem se bambae hemi follem tim go pesonoli sapotem olgeta long Champions League kampen blong olgeta. Ripot i kamaot tu se kolik MP, Marc Ati hem tu bambae hemi go sapotem tim long New Caledonia.

Executive blong LOC blong Malampa Revivors long Port Vila, oli wantem talem bigfala tankio i go long Vanuatu Water espeseli we hemi latest sponsor blong tim, mo oli stap apil i go long everi fan long Port Vila mo raon Vanuatu se sapos oli wantem soem sapot blong olgeta oli save putum smol vatu long National Bank of Vanuatu long akaon blong Malampa Revivors OFC Champions League Team, akaon namba hemi 0170069001, o oli save kollem Jacques Tronquet we hemi General Coordinator.

LOC i wantem anaonsem tu se bambae i gat wan wan bigfala fanresing long Fraede full dei long tumoro stret long Freswota Park, mo oli stap apil long everi fan blong kam sapot long taem ya.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.