Malampa Revivors FC hemi sekiurem bak O-League spot blong hem lo 2021 Oceania jampionsip afta we hemi kam blong winim Temanu Baku FC long wan sko blong 2 — 1.

Long fes 5 minit insaed lo haf blong gem, Malampa FC hemi kam blo skorem fes poen blo hem tru lo Edwin Bai. Gem hemi bin ko moa taf mo i lukim Temanu FC hemi kam in blo equalisem sko tru lo Talipo Taiwia.

Tugeta saed i bin kat fulap janis blong sko bei i lukim ol difendas blong tugeta tim oli wok had blo stopem olketa straeka blong putum wan moa gol.

Insaed lo sekon haf, gem i bin ko gud mo i lukim insaed lo fes 30 minit blo gem, no mata tugeta tim i kat ol janis, ol pleia oli no save putum wan poen. Long 35 minit blo gem, Jeffrey Tasso, difenda blong Malampa FC hemi risivim wan red kad afta lo wan takel we hemi mekem lo wan pleia blong Ifira Temanu FC.

Malampa FC hemi daon wetem wan man mo Temanu FC hemi kat fulap janis blo sko bei ol difenda blo Malampa FC oli no letem eni poen blong ko tru. Gem hemi bin ko mo strong mo i lukim Malampa FC, tru lo Andre Batick we hemi kam blong sekiurem win blong Malampa FC.

Malampa koj, Micky Timas hemi talem se hemi rili hapi lo pefomens blong ol boy. Hemi talem se gem i rili taf mo ol boe oli i risivim wan gud jalenj. No mata ol boe oli daon lo wan pleia, ol boe oli rili wok had blong save kasem win ya.

Wetem win ya, ol boe bambae oli stap pripea mo wok had taem oli kobak, blong putum mo faemaot wan bes tim blong save kolo O-League 2021 jampionsip.

Hemi talem tankiu lo sapot blo ol man Malampa lo Port Vila wetem hospitaliti wei oli risivim lo Port Vila mo tu i ko lo papa God blo save kivim win ya.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.