Futbol

Hienghene FC oli stap selebretem wan poen blong olgeta agensem AS Magenta. Photo: Alaine Vartane

Hienghene Sport hemi winim AS Magenta long 2-1 long wan frenli we tufala i bin mekem las wiken.

Win blong Hienghene Sport we hem nao bambae hemi hostem Malampa Revivors FC long Kone New Caledonia hemi sendem wan mesej i go long Malampa Revivors mo Erakor Golden Star, se level blong futbol blong New Caledonia i antap moa long Port Vila Football Association.

Las frenli blong Erakor mo Malampa Revivors i lukim tufala Vanuatu jampion klab ya oli dro long 2-2.

Taem Malampa Revivors FC hemi tajdaon long New Caledonia wan wik i pass, oli mekem fes frenli blong olgeta wetem AS Magenta, mo i lukim oli kam blong lusum maj ya long wan sko blong 3-0.

Daily Sport hemi toktok wetem straeka blong AS Magenta, Vanuatu intanasonal, Bill Nicholls, mo hemi talem se Malampa hemi gat wan gudfala tim, be oli nogat wan pleia we bambae hemi save fidim gud olgeta straeka long fored mo lockem midil, ples nomo, sapos oli faenem wan pleia blong pleiem posisen ya bambae oli save mekem wan samting long Kone.

Sapos AS Magenta i save winim Malampa long wan sko laen blong 3-0 mo lus wetem Hienghene long wan sko blong 2-1, i minim se Hienghene hemi stap long wan nara level bageken, mo Malampa i mas pulumap soks plante.

Long kes blong Erakor, lus blong Malampa i sendem wan mesej naoia se level blong futbol blong yumi long Port Vila i daon tumas mo oli mas taetem strap plante mo pulum ap soks sapos oli wantem testem olgeta jampion, Team Wellington mo Ba FC.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.