Nasonal Gems

Soccer City Stadium i redi blong hostem Nasonal Gems

Local Organising Committee (LOC) i stap redi from Nasonal Gems we bambae hemi tekem ples long Luganville stat long namba 25 Novemba kasem 4 Disemba.

LOC i konfem se Sarere namba 3 Disemba Gems i end mo Sande namba 4, closing blong Gems.

Venue blong Gems bambae i stap long Luganville Soccer City Stadium, wetem Lycee de Luganville i stap olsem stand by venue.

LOC i disaedem finis se olgeta athlet mo ofisol blong olgeta provins bambae oli yusum olgeta skul blong silip long hem.

Prinsipol blong Santo East School, Jimmy Solomon, hem nao hemi man bihaen long arenjmen blong wea ples nao olgeta athlet bambae oli silip long hem.

Ples blong silip i gat Santo East School (French/English), Kamewa School (French English), Lycee de Luganville, Sarakata Centre School mo Saint Michelle.

LOC i konfemem long Daily Sport se plante provins mo munisipaliti oli pem patisipesen fee blong olgeta finis, mo naoia i stap LOC i stat blong risivim olgeta faenol nem blong olgeta athlet blong olgeta provins blong oli faenolaesem program blong olgeta.

Olgeta athlet we bambae oli saksesful long Gems ia bambae oli no leftemap nem blong provins blong olgeta nomo, be bambae oli save gat hona blong representem kaontri blong olgeta long 2017 Pacific Games we Vanuatu nao bambae hemi hostem.

Olgeta saksesful athlet bambae oli gat janis blong go tekem 6 manis trening long China, we bambae Chinese Gavman i fundem.

Long nara nius blong Luganville, Telecom Vanuatu Limited National Super League day 2 i lukim Vaum United i kam blong winim Rainbow FC long 5-2, Medics FC i winim Spirit 11 long 2-0 mo las maj bitwin Nalkutan mo Malampa Revivors nao Daily Sport i go long print bifo olgeta risal i kamaot.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.