Pacific Games

Port Vila Stadium fil yestede

By Raymond Nasse

Wetem anaonsmen mo dro blong futbol kompetisen blong namba 10 Pacific Mini Games yestede long Port Vila Stadium Konferens Rum, i lukim sam bigfala nem blong futbol long rijen bambae oli no tekem pat.

Anaonsmen i lukim bambae i gat wan totol blong 23 maj oli pleiem long Korman Stadium, Port Vila Stadium mo Antoine Rossi fil.

Long saed blong olgeta man, pawa haus Tahiti mo Papua New Guinea oli no kam blong konfemem patisipesen blong olgeta i mekem se i gat 6 kaontri nomo long saed blong olgeta man.

Olgeta kaontri ia i gat Vanuatu, Solomon Islands, New Caledonia, Fiji, Tonga mo Tuvalu.

Long saed blong olgeta woman, tufala pawa haus, New Caledonia mo Papua New Guinea oli pullaot long kompetisen from isiu blong faenans i mekem se i gat 4 kaontri nomo.

Olgeta 4 kaontri ia i gat, Vanuatu, Solomon Islands, Fiji mo Tonga.

Van2017 i putum mane blong entrens hemi Vt400 long olgeta group maj mo faenol blong Gold mo Bronze bambae hemi Vt1000.

Clint Flood, CEO blong Van2017 hemi raisem impotens blong olgeta fan blong futbol i mas go sapotem olgeta tim blong futbol blong woman i semak olsem olgeta man.

Gudfala inisietif we Van2017 i mekem, i lukim i gat 3 maj blong futbol blong olgeta woman i fri blong pablik i go sapotem olgeta tim blong woman, inkludum faenol blong Bronze Medal.

Grand faenol nomo mo maj wetem Fiji oli pem.

“Tankio i go long China mo Vanuatu Government long 5 manis trening camp,” Tim Maneja blong olgeta woman, Julia Malas King i talem.

“Olgeta 20 plus gel we bambae oli plei long taem blong Mini Games, oli representem everi gel mo woman Vanuatu.

“Hemia hemi wan drim we i kam tru wantaem blong olgeta ya, we olgeta foma pleia i stap drim from, blong plei long fored blong olgeta fren, famili mo fan long home graon.

“Mi stap invaetem foma pleia, everi woman mo gel blong kam sapotem olgeta gel long taem blong gem.

Hemi wan taem nomo we bambae i lukim olgeta gel ia oli expressem olgeta insaed long fil, from plante long olgeta oli kamaot long laef we i had, go thru long plante jalenj, mo futbol hemi onli plei we oli save expressem olgeta long hem,” Tim Maneja blong olgeta woman i talem.

I gat 2 trening fil long taem blong Games i gat, Antoine Rossi fil mo University of the South Pacific Emalus Campus fil.

Vanuatu Football Federation (VFF) president, Lambert Maltock, hemi konfemem se Vanuatu preperesen hemi no olsem we olgeta i plan from.

“Nomoli taem yumi hostem U20 o U17 OFC tunamen long Vanuatu, yumi invest plante long preperesen be wetem senior tim naoia yumi mekem wanem nomo yumi save mekem,” Maltock i talem.

“Tim insaed i gat sam senior pleia, U23 mo U20 pleia, we long mi hemi wan gudfala kombinesen.”

CEO Flood hemi jalenjem tufala tim blong man mo woman se hemi wantem lukim tugeta tim long taem blong grand faenol oli hangem Gold Medol long neck blong olgeta.

CEO Flood i askem pablik blong soem semak sapot i go long olgeta nara Pacific aelan long taem blong Games.

Hemia bambae hemi festaem long histri blong futbol long kaontri we bambae i lukim tim blong man mo woman i kompit long wan Pacific Mini Games o wan rijinol kompetisen tugeta long semtaem.

Hemia nao Schedule blong Team Vanuatu man mo woman:

• Saturday Dec 2 MENS- 3pm, New Caledonia vs Vanuatu — National Stadium — Vt400 (includes 3 matches)

• Monday Dec 4- WOMENS- 12pm, Vanuatu vs Solomon Islands- National Stadium – FREE (2 matches)

• Wednesday Dec 6- MENS-7pm, Vanuatu vs Tonga- Korman Stadium Vt400 (2 matches)

• Thursday Dec 7 WOMENS- 7pm, Vanuatu vs Fiji – Korman Stadium Vt400 (2 matches)

• Saturday Dec 9 – MENS- 12pm, Vanuatu vs FIJI—National Stadium – Vt400 (3 matches)

• Monday Dec 11 –WOMENS- 7pm, Vanuatu vs Tonga- Korman Stadium- Vt400 (1 match)

• Tuesday Dec 12- MENS- 12pm, Vanuatu vs Tuvalu – National Stadium – Vt1000 (3 matches)

• Thursday Dec 14 –WOMENS BRONZE MEDAL – 12pm, National Stadium – FREE (1 match)

• Thursday Dec 14- WOMENS GOLD MEDAL – 7pm, Korman Stadium – Vt400

• Friday Dec 15- MENS GOLD AND BRONZE MEDAL – National Stadium Vt1000 (3 matches)

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.