Futbol

Shepherds United bae i fesem Siaraga long wiken ya

By Raymond Nasse

Olgeta maj stat long Fraede mo Sarere we hemi Day 5 blong Port Vila Football Association (PVFA) Digicel premia divisen jampionship, bambae i lukim olgeta mane we oli raisem long gate takings bambae hemi go tuwods olgeta taosen famili blong Ambae we oli aot long aelan blong olgeta.

PVFA hemi mekem anaonsmen ya long miting blong hem long wik ya se bambae olgeta mane we oli raisem long gate long Day 5, we hemi las dei tu blong jampionship blong premia, bambae everi mane we oli raisem i go tuwods olgeta famili blong Ambae.

PVFA hemi anaonsem se Day 6 bambae oli pleiem afta long Disemba 14 wantaem, we hemi afta long Pacific Mini Games.

Long olgeta maj blong Day 5, long Fraede bambae i lukim Mauwia FC we oli no winim iet wan maj long sisen ya bambae oli traem winim wan poen tede agensem olgeta namba 3 long klasmen naoia, Erakor Golden Star.

Long 11am long Sarere ya, Tafea i pleiem Tupuji Imere wetem posisen blong namba 4 ples long laen sapos Tupuji Imere hemi win. Long narasaed Tafea bambae hemi wantem kontiniu wetem gudfala fom blong hem mo semtaem kipim taetol i stap oltaem long fored blong olgeta.

Sekon maj blong dei long 1pm, Siaraga i pleiem Shepherds United. Tufala klab ya we wan i staon long namba 5 mo 6 posisen bambae oli wantem win mo muv ap i go insaed long Top 4.

Las maj blong dei long 3pm, olgeta lida long klasmen, Ifira oli pleiem Digicel Amicale.

PVFA Executive i no disaed yet weta bambae oli hollem wan Knockout long manis ya mo nekis manis blong helpem olgeta pleia blong premia divisen blong gat sam gem taem naoia we olgeta i stap go tuwods Mini Games.

Olgeta fes mo sekon divisem maj long Kawenu mo Erakor fil bambae oli gohed nomo.

Hemia nao klasmen afta long Day 4:

1- Ifira Black Bird FC 10

2- Tafea FC 9

3- Erakor Golden Star FC 9

4- Tupuji Imere FC 6

5- Siaraga FC 5

6- Shepherds United FC 4

7- Digicel Amicale FC 2

8- Mauwia FC 0

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.