Futbol

Sam long olgeta fan we oli bin stap aotsaed mo wajem futbol las wiken

Taem we taosen blong olgeta man mo woman mo pikinini oli kam fulumap Korman Stadium long Sarere las wik, i gat sam sapota oli stap aotsaed mo sapot i kam insaed.

Vanuatu i bin awea se bambae Port Vila, Korman Stadium hemi hostem Group C las yia finis, we i minim se i nogat excuse blong olgeta man we oli stap aotsaed long Korman Stadium blong no save sefem ap smol mane las yia ia kam blong oli go insaed long stadium blong soem sapot blong olgeta long Erakor Golden Star FC.

Hemi luk nogud tumas mo no reflektem tru spirit blong sapot taem we las wiken olgeta trak mo man oli stap bihaen long fanis, mo tu antap long olgeta benwar blong wajem futbol mo no pem eni fee.

Erakor i mas konvinsim Oceania Football blong i karem O-Lik i kam long Vanuatu, we hemi no isi from Erakor hemi bin travel 2 taem in a row i go long Tahiti, we hemi wan ekspensif eksasaes, mo OFC i agri nomo from se bambae hemi fea mo jip blong Erakor.

Naoia O-Lik i kambak long Korman Stadium, hemi fea nomo we i lukim taosen man oli pem blong go insaed blong soem sapot, be yet yumi no luk save hadwok blong Local Organising Komiti, we i go abaot blong mekem se tunamen i happen mo OFC we oli mekem se futbol i kam long Vanuatu bageken long yia ya.

Kwesten i stap se wetaem bambae yumi save jenisim mentality blong ‘gate blong Vt5000’, cameraman blong OFC hemi talem long Daily Sport se i tru nomo se Vanuatu hemi kaontri we olgeta man oli laekem futbol.

Tede Erakor i pleiem Ba FC long 5pm, sapos hemi win bambae hemi go thru long kwota faenol nomata las gem i stap yet wetem Team Wellington, hemi taem blong yumi everiwan i joenem hand blong kam sapotem Erakor.

Everi nara Pasifik aelan oli gat wan tim i go long kwota faenol, hemi taem blong yumi sapot strong tede blong putum wan tim blong Vanuatu i go thru long kwota faenol.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.