Futbol

Alista Kalip i stap selebretem poen blong hem agensem Tupuji Imere

Tafea FC hemi kam blong endem dei 3 blong sekon leg blong Digicel premier division jampionship wetem wan impoten win.

Tafea FC hemi bin mitim Tupuji Imere long 3pm las Fraede long Port Vila Stadium.

Tupuji Imere FC we oli staon long namba 5 posisen long klasmen kolosap oli kam blong upsetem Tafea FC las Fraede be i lukim wan poen blong substitute straeka, Alista Kalip hemi inaf blong givim 3 poen blong Tafea long klasmen, mo semtaem simentem lid blong klab long klasmen.

Long olgeta maj long wiken, Ifira Black Bird FC mo Erakor Golden Star FC oli kam blong dro long wan sko blong 1-1.

Ifira nao hemi openem sko fes wan thru long Jean Pierre be long las mini, Tony Kaltak hemi hedem in ikwalaesa blong putum faenol long long 1-1.

Las maj blong dei, niufala tim blong Galaxy FC, hemi sendem aot wan strong stetmen taem oli kam blong winim Yatel FC long wan sko blong 6-0.

I bin gat 2 maj nomo from Shepherds mo BSP Amicale oli gat olgeta pleia we oli stap long New Caledonia naoia wetem Malampa Revivors FC, redi from OFC Champions League.

Klasmen naoia i lukim:

1. Tafea 23

2. Galaxy 20

3. Erakor G Star 18

4. Ifira Black Bird 18

5. BSP Amicale 14

6. Tupuji Imere 8

7. Shepherds United 3

8. Yatel FC 3

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.