Futbol

Tasman United hemi soem interes blong hem long Ronaldo Wilkins. Photo- Nelson Weekly

Vanuatu Football Federation President, Lambert Maltock hemi anaonsem long yestede interes blong 4 klab aotsaed we oli interes blong saenem sam lokol pleia.

Vanuatu long yia ya sapos tingting ia i happen bambae hemi gat moa pleia blong hem oli plei aotsaed bitim eni nara yia long histri blong futbol long kaontri.

Naoia we we i stap Vanuatu i gat long New Zealand long Wairarapa United, Seule Soromon mo Azariah Soromon.

Long New Zealand tu i gat Brian Kaltack long Auckland City.

Long Solomon Islands long Solomon Warriors i gat Kensi Tangis mo John Alick.

Long China i gat Jacky Reuben mo Alex Saniel.

Hemi mekem wan totol blong 7 nasonal pleia wantaem.

Be namba ya i save go antap moa long niufala sisen ya afta we Michelton FC, wan klab we Vanuatu hemi gat histri wetem, thru long Technical Director blong klab ia, Carlos Buzzetti, hemi sendem toktok i kam se klab i stap lukaotem wan gudfala straeka blong joenem klab long niufala sisen.

Wellingtong Olympic FC long New Zealand oli se oli bin toktok wetem Jason Thomas finis, mo oli stap wet yet blong harem rispons blong hem.

Tasman United foma klab blong Brian Kaltack oli stap askem Ronaldo Wilkins we naoia hem tu i no klia se bambae hemi plei wetem wanem klab long niufala sisen ya afta we i lukim hemi feil blong follem U19 tim i go daon from hemi no tenap long olgeta trening program.

President Maltock hemi suggestem se blong sendem hem i go daon blong hemi impruv long trening mo tu blong help blong impruvum hem olsem wan pleia long saed blong disaplin, we hemi biliv sapos hemi go bambae hemi save jenisim olgeta fasin blong hem, from se i gat tumas rabis influence raon long hem lokoli. Maltock i biliv se i gud blong hemi aot blong impruv.

Namba 4 klab hemi long Mooorea long Tahiti. Olgeta i wantem wan gudfala straeka blong helpem olgeta long niufala sisen ya.

President Maltock hemi letem Port Vila Football Association i save abaot nius ya finis long yestede.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.