Dgicel Amicale oli mas putum hed tugeta sapos oli wantem stap insaed long resis from top blong tebol

By Raymond Nasse

Wetem Erakor we hemi stap long kampen blong Oceania Football Confederation Champions League blong hem long Tahiti naoia, klasmen blong Port Vila Football Association premia divisen

afta long olgeta maj las wiken i lukim Erakor Golden Star, Ifira Black Bird mo Digicel Amicale oli level long 9 poen long klasmen naoia.

Long olgeta maj blong premia divisen long wiken ya long Sarere, fes maj blong dei long11am, Siaraga we hemi stap long namba 5 posisen long klasmen naoia bambae hemi pleiem Tupuji we hemi stap long namba 4 posisen.

Wetem wan ples long namba 4 posisen blong plei from, maj ia bambae hemi olsem wan faenol afta we Top 4 nao hemi target blong olgeta klab blong premia long sisen ia.

Sekon maj blong dei long 1pm, Mauriki i plei Mauwia.

Mauwia we hemi level long poen naoia wetem Tafea FC long klasmen oli nidim wan win tede blong muv aot long relegesen zone, mo Mauriki we oli nogat iet wan poen long klasmen oli nidim wan win win blong gaStar FCt wan hop blong muv aot long relegsesn zone.

Las maj blong dei, Digicel Amicale mo Ifira Black Bird bambae oli plei from top blong klasmen.

Ifira oli no lusum iet wan maj long sisen afta we olgeta i bye las wiken bambae oli wantem kipim olsem afta we Digicel Amicale i bin lusum fes maj blong hem.

Maj ia bambae hemi olsem wan faenol blong tufala saed ya.

Long klasmen long premia divisen afta long olgeta maj las wiken i lukim:

1- Erakor Golden Star FC 9

2- Ifira Black Bird FC 9

3- Digicel Amicale FC 9

4- Tupuji Imere FC 7

5- Siaraga FC 4

6- Tafea FC 2

7- Mauwia FC 2

8- Mauriki FC 0

Long fes divisen afta long olgeta maj las wiken klasmen i luk:

1- Shepherds United FC 12

2- Black Diamond FC 12

3- North Efate FC 10

4- Pango Green Bird FC 10

5- ABM Galaxy FC 7

6- Seveners United FC 6

7- Spirit 08 FC 1

8- Kings United FC 0

Long sekon divisen klasmen i lukim:

1- Easton FC 13

2- Redal FC 12

3- Narak Tekapu FC 8

4- United Malampa FC 8

5- Yatel FC 7

6- Lakotau FC 6

7- Lopatu FC 6

8- AS Ambassador FC 6

9- Torba United FC 3

10- Varona FC 3

Raymond Nasse

Sports Editor


(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.