Ifira oli selebretem fes poen blong Jean Pierre (medel) yestede

By Raymond Nasse

Nomata we Tupuji hemi bin dominetem full fes haf long opening dei blong Dei 3 blong Digicel jampionship, be oli no save fulumap bol bihaen long net blong Ifira long olgeta fes 30 minit blong maj.

Fes poen i kamaot jas bifo sekon haf i finis taem we Rodney Serveux i foldaon insaed long box afta we Winjo William i foulem hem.

Don Mansale i step ap be i lukim sut blong hem, Anthony Taiwia i stopem, be i lukim rafri, George Bruce i blowem wisil bageken blong oli ‘retake’ bageken. Namba 2 taem bageken Mansale i putum bol bihaen long net blong putum sko long haf taem long Tupuji 1 mo Ifira 0.

Long sekon haf, Ifira hemi tajem moa bol insaed long fil, risal blong hem i lukim Nikki Iauko oli foulem hem insaed long box, mo Jean Pierre hemi kam blong konvetem penalty, mo semtaem levelem sko long 1-1.

Taem we olgeta fans oli stap ekspektem wan dro, man we hemi mekem penalty, Iauko, hemi faenem wan lus bol insaed long box blong

Ifira mo draonem bol ia bihaen long net, mo semtaem winim maj ia blong klab blong hem.

Wetem win ytede i lukim Ifira hemi go antap long 7 poen long klasmen we i min se nomata long wanem risal tede long Port Vila Stadium, olgeta i toppem klasmen finis blong dei 3.

Long olgeta maj blong tede, 11am Digicel Amicale i pleiem Erakor, 1pm, Tafea i pleiem Shepherds United mo long 3pm, Mauwia i pleiem Siaraga.

Raymond Nasse

Sports Editor

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.