Futbol

Ifira i selebretem poen blong hem las wiken

Long olgeta Port Vila Football Association Digicel Premier divisen dei 2 maj long Port Vila Stadium long Satede, i lukim wan win mo 2 dro.

Fes maj blong dei ya i lukim Tupuji Imere hemi kam blong pleiem Yatel.

Tupuji Imere nao hemi kam blong openem sko thru long straeka Rodney Serveux long sekon haf, afta we fes haf i lukim tugeta saed i no save konvetem olgeta janis long fored blong gol.

Yatel hemi kambak blong ikwalaes 5 minit afta.

Stret long namba 72 minit wan kros i kam insaed long penalty box i lukim Tupuji hemi makem sekon poen thru long wan hed insaed long box.

Jas bifo maj hemi finis taem we olgeta fan oli stap ekspektem Tupuji blong hemi ronwe wetem 3 poen, Yatel straeka Lolo, hemi makem ikwalaesa blong putum sko long end blong maj, Yatel 2 mo Tupuji 2.

Wetem risal ya i lukim afta long 2 maj Tupuji hemi dro long 2 maj, Yatel hemi lusum fes maj mo hemi dro long wan.

Sekon maj blong dei, Ifira hemi kam blong pleiem Tafea.

Maj ya i lukim tugeta saed i kam insaed wetem 1 win long dei 1, be long end blong dei bambae Ifira hemi kam blong winim maj mo mentenem win blong dei 1, wetem wan 1-0 viktri.

Poen blong maj ya hemi kam long fes haf thru long Lee Taiwia.

Maj ya hemi no wan isi wan from tugeta saed i gat olgeta kwaliiti pleia, mo i gat samtaem insaed long gem we rafri hemi mas stoppem maj mo remindem olgeta pleia abaot sefti blong olgeta.

Las maj blong dei, Erakor we hemi dro long fes maj blong hem, hemi kam blong pleiem Shepherds.

Shepherds hemi bin lusum fes maj blong hem, oli pulum ap soks las wiken mo oli kam blong dro wetem Erakor long wan sko blong 1-1.

Shepherds nao hemi sko fes wan thru long kapten Eris Ishmael, be i lukim Erakor hemi kam bihaen blong ikwalaes thru long Junior.

Las wiken i lukim sam niu fes oli tenap olsem olgeta maj ofisol, we hemi wan gudfala saen se olgeta klab oli luk save mo harem krae blong Port Vila Football, follem shortage blong olgeta maj ofisol.

Wetem dei 2 hemi kam long end blong hem klasmen i luk:

1. Ifira BB 6

2. BSP Amicale 3

3. Tafea 3

4. Galaxy 3

5. Tupuji Imere 2

6. Erakor G Star 2

7. Yatel 1

8. Shepherds United 1

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.