Vanuatu elite futbol assosiesen, Port Vila Footbal Association kwalifikesen blong putum wan klab representatif insaed long nekis edisen blong Oceania Football Confederation Champions League, i gohed finis las wiken long Port Vila Stadium.

Apma Financial Investment Centre (AFIC) Top 4 tunamen dei 2 long wiken long 2pm bambae i lukim semi faenol we bambae hemi inkludum tufala pawa haus we oli stap dominetem futbol long Port Vila long las 7 yia ia i kam, Erakor Golden Star we hemi jas go long Champions League long yia ia long Tahiti mo Digicel Amicale, we hem i go kasem grand faenol blong champions league 2 taem wetem Auckland City.

Maj blong Sarere ia i minim se 1 long tufala ya bambae hemi pleiem Ifira Black Bird FC long grand faenol long nekis wiken.

Foma Digicel Amicale FC difenda blong Brazil, Diego Maximo, we hemi stap follem ap AFIC Top 4 tunamen hemi askem Daily Sports blong pasem good luck blong hem wetem tim mo hemi talem se, “God bambae hemi blessem Digicel Amicale mo olgeta boe long maj long wiken ya.”

Erakor Golden Star kapten we naoia i stap plei klab futbol blong hem long New Zealand, long Wairarapa United, Brian Kaltak, i talem se hemi stap follem gud Erakor sins hemi leko klab i go long New Zealand mo hemi wantem talem se kompetisen long yia ia hemi strong tumas kompea long olgeta nara yia.

“Mi wantem wishim Erakor mo Digicel Amicale all the best long semi faenol long wiken ya,” Kaltak hemi talem.

Ifira koj, Batram Suri, we naoia hemi stap luk fowod finis blong plei long grand faenol hemi talem long Daily Sports se hemi redi blong plei Erakor o Digicel Amicale long grand faenol.

“Mifala nid blong wok ekstra had from everiwan bambae i wokhad blong winim grand faenol ya.

“Mifala mas fixim olgeta problem insaed long fil hariap bifo faenol, be olgeta boe oli redi blong plei Erakor o Digicel Amicale long grandfaenol.”

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.