Wetem olgeta aksen blong dei 1 blong sekon leg blong premia divisen blong Port Vila Football Association (PVFA) long Mande wik ia, PVFA hemi kamaot blong givim ofisol klasmen afta long dei 1 blong sekon leg ya.

Afta long win blong Mauwia, Mauriki mo Ifira wetem dro blong Amicale mo Erakor, klasmen i soem se Ifira nao hemi lidim klasmen wetem wan 4 poen lid ova long olgeta jampion, Erakor Golden Star.

Erakor afta we oli kambak long Oceania Champions League oli wokem dro long olgeta aotstanding fes leg maj blong olgeta, ples ia nao Ifira hemi kapitolaes long hem mo naoia hemi tekem lid i stap long klasmen.

Mauwia FC afta long upset win ova long Tafea FC, oli stap luklu, finis i go insaed long Top 4, naoia long namba 5 posisen long klasmen.

Mauriki wetem win blong hem long Mande, naoia oli kosem wan threat long Siaraga mo Tafea we oli no aot iet long relegesen zone, from oli wan lus awei nomo blong foldaon kam long relegesen zone long ekspens se Mauriki i winim sekon maj blong hem.

Long fes divisen, Shepherds United i klemem top posisen wetem 22 poen afta we Seveners i bin winim Black Diamond, we naoia oli stap sekon long klasmen wetem 19 poen. Shepherds i klemem top posisen afta olgeta i kam blong winim Kings United long 3-0 long Mande.

Wetem olgeta risal ia, lukluk i stap se sekon leg blong jampionship bambae hemi wan interesting wan lelebet naoia we faet from Top 4 long premia divisen bambae i lukim everi tim oli wantem win.

Premia divisen klasmen naoia i lukim:

1- Ifira Black Bird FC 20

2-Erakor Golden Star FC 16

3- Tupuji Imere FC 14

4- Digicel Amicale FC 12

5- Mauwia FC 8

6- Tafea FC 7

7- Siaraga FC 6

8- Mauriki FC 3

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.