Erakor Golden Star we bambae oli flae aot long Fraede wik ia blong go long Tahiti from Oceania Champions League Group D gem blong olgeta, oli kam blong kasem help i kam long Gavman yestede aftanun.

Stret long konferens rum blong Ministry blong Yut mo Sport, Minister Simeon Kalo, hemi handem ova Vt500,000 i go long hand blong President blong Erakor Golden Star, Johnson Wabaiat, long fored blong Sports Commission mo olgeta senia ofisa insaed long Yut mo Sports.

Bifo handing ova Minister Kalo hemi talem se from Ministry blong hem i ‘tied up’ kasem nek from kaontri hemi stap redi blong hostem Pacific Mini Games long manis Disemba yia ia, hemi save se past Gavman oli stap givim Vt1 milien long Tafea mo Digcel Amicale.

“Mi sendem olgeta teknikol man blong mi blong oli traem faenem wan wei blong save faenem wan mane blong givim long Erakor olsem pat blong help blong Gavman sins klab ia wan long olgeta oldest klab long Vanuatu tede, mo mi mifala i kamap wetem Vt500,000 nomo we bambae mi givim long yufala tede.

“Gavman i no wantem mekem eni promis be sapos klab hemi mekem gud i kasem nara stej blong kompetisen bambae mifala i save step in bageken,” Minister i talem.

Minister i talem se Gavman hemi givim mane olsem pat blong hem mo hem pesonoli bambae hemi stap long saedlaen blong givim moral sapot taem Erakor hemi plei long Tahiti.

Long bihaf blong Erakor Golden Star, President Wabaiat hemi talem tankio long ‘hearfelt emergency response’ we Gavman hemi givim.

“Bambae klab hemi accountable long mane we Gavman hemi givim mo mifala stap go olsem olgeta ambassador blonhg Efate, Shefa mo Vanuatu.”

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.