Football

Yatel FC wetem niufala uniform. Photo: Glenn Hoey Facebook

Long wan email we oli sendem i go long Port Vila Football Association , ABM Galaxy hemi wantem konfem se olgeta i nomo yusum nem ya mo oli wantem jenisim nem blong klab.

Niufala nem we klab i disaed blong yusum long 2018/2019 sisen hemi Galaxy FC, i nomo ABM Galaxy FC.

Wetem niufala nem ya klab hemi elektem tu niufala Eksekiutif blong karem klab thru aot long 2018/2019 sisen long premia divisen.

Hemia nao olgeta we oli elektem olgeta:

President: Jackson George

Vice President: Ismael Melton

Treasury: Mary Wilson

Secretary: Roddy Lenga

Member: George Yakis

PVFA i askem Galaxy FC blong oli mas go karem wan rejistresen fom long PVFA ofis blong oli fulumap blong rejistarem niu nem blong klab ya mo oli mas sabmitim fom bifo August namba 30.

Niufala kama ya long premia divisen bambae hemi go long NCD Cup faenol long wiken ya wetem Ifira Black Bird FC.

Long nara nius blong PVFA, Yatel FC we hemi niufala klab tu blong kwalifae blong plei long premia long 2018/2019 sisen, oli kam blong anaonsem olgeta sponsa blong olgeta.

President mo Eksekiutif oli kam blong anaonsem se Matt mo Emily long Bewery Bar mo Restaurant, Kevin Smith blong World Water Rams long New Zealand mo longtaem sponsa, Glenn Hoey oli olgeta sponsa blong klab long niufala sisen ya.

Long taem blong anaonsmen ya las Fraede i lukim ofisol presentesen tu blong olgeta niu home mo away uniform mo olgeta polo shirt, we i lukim olgeta pleia, koj, fans, mo Eksekiutif oli admirem.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.