Futbol

Galaxy FC i welkamem Pepeta (medel left) mo Da Silva (medel raet) long Airport long Tasde naet. Photo: Franky Etul FB

Long Tasde long naet, Manejmen blong Galaxy FC oli stap long Bauerfield Airport blong welkamem 2 Brazilian pleia we bambae oli kam helpem klab ya long sekon leg blong 2018/2019 sisen we bambae hemi kik off nekis wik.

Tufala Brazilian ya i gat foma Amicale FC straeka, Pepeta we i bin helpem Amicale long 2 Champions League kampen mo wan yangfala blong 20 yia, Da Silva.

Klab i stap anaonsem tu se oli karem seves tu blong foma Ifira Black Bird FC koj, Batram Suri blong helpem olgeta long sekon leg.

Wetem kaming blong tufala Brazilian ya mo Diego we hemi stap finis, i lukim trifala Brazilian pleia ya bambae oli joenem Erakor Golden Star FC, long kampen blong hem long Champions League Group maj we Erakor nao bambae hemi hostem long Korman Stadium, nekis manis.

I no trifala Brazilian nomo oli joenem Erakor, i lukim Galaxy FC midfilda, Barry Mansale hem tu bambae hemi helpem Erakor long kampen blong hem.

Galaxy FC hemi loanem 1 moa pleia blong hem i go blong joenem Malampa Revivors FC. Difenda Joseph Iaruel bambae hemi joenem Malampa Revivors FC blong go daon long Kone, New Caledonia long Champions League kampen blong hem.

Galaxy FC hemi soem long olgeta nara klab insaed long Port Vila Football Association wan gudfala eksampol, from olgeta klab ya oli no representem Vanuatu nomo, be oli representem tu olgeta Assosiesen we oli kamaot long hem.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.