Futbol

Diego i selebretem poen blong hem

Labour Day long Port Vila yestede i mekem se olgeta pablik mo futbol fan oli tenaot long taosen yestede long Port Vila Stadium blong witnessim grand faenol blong PVFA Top 4 kompetisen bitwin MG Tafea FC mo Galaxy FC.

Maj ya i lukim jas bifo i kik off oli mas jenisim olgeta maj ofisol bageken, from samfala isiu mo konsen we oli bin raisem.

Maj i kik off mo Galaxy nao hemi openem sko thru long wan difenda, Diego, afta we hemi ron from wan kros blong Ronaldo long las pos, mo tappem bol ya i go insaed long net, blong putum sko long 1-0 long feva blong Galaxy.

Fes haf hemi finis mo sko i stap long 1-0 long feva blong Galaxy.

Sekon haf i stat, Galaxy hemi makem sekon poen blong hem thru long midfilda John Alick wetem wan tap in bageken long las pos blong putum sko long Galaxy 2 mo MG Tafea FC long 0.

Taem MG Tafea hemi stat blong putum moa presa long Galaxy blong faenem wan poen, wan kwik kaonta atak blong Galaxy i lukim difens blong MG Tafea i konfius, mo i lukim rafri Nawen Hopkins i mas givim red kad mo sendem aot kapten blong MG Tafea, Lele Hinge i kamaot long fil.

Wetem 10 man insaed long fil, MG Tafea hemi push blong oli makem wan poen thru long straeka Azariah Soromon, blong putum sko long Galaxy 2 mo MG Tafea 1.

Jas bifo maj hemi finis, Galaxy FC midfil straeka, Jonathan Spokey Jack hemi karem wan red kad, i mekem se presa long Galaxy difens i hae.

MG Tafea i traem blong faenem wan ikwalaesa, be i lukim Galaxy difens i no letem olgeta nomo blong pass.

Faenol wisel hemi blo, Galaxy FC hemi sekirum ples blong hem insaed long 2020 OFC Champions League.

Fairy tale ending blong Galaxy i lukim olgeta i winim promosen long sisen ya i kam long premia divisen mo semtaem oli sekiurum wan ples insaed long OFC Champions League.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.