Galaxy FC i anaonsem Membaship fee

(Tavarez) medel long fored hemi go bak long Brazil

Hemia wan niufala samting bageken we bambae i save mekem se olgeta fan blong wan klab oli gat smol onaship long wan klab, taem we Galaxy FC hemi anaonsem Membaship Fee blong olgeta sapota.

Olgeta membaship fee blong klab, Media Ofisa blong Galaxy FC, Etul Franky hemi kam eksplenem se bambae i lukim olgeta bigfala man oli pem Vt1000 blong 6 manis or Vt2000 long wan yia.

Olgeta pikinini hemi Vt500 long 6 manis mo Vt1000 long wan yia.

Wetem membaship fee ya olgeta memba i save gat akses long shirt, discount long uniforms kaen ya mo oli even save gat privilij blong follem team taem hemi tour.

Eniwan we hemi interes i save kontaktem Etul long namba ya, 5394911.

Klab hemi stap pripea had naoia blong kikim off jampionship long namba 22 manis ya, mo naoia olgeta pleia mo kojing staff i stap tren had blong mekem hemia i happen.

Klab hemi lusum seves blong Brazilian midfilda, Tavarez afta we hemi feelim homesick hemi disaed se hemi nomo save stap long kaontri hemi wantem go bak long Brazil.

Nomata we gelfren blong hem i aot long Brazil blong kamluk hem long ples ya, Tavarez hemi still feel homesick i mekem oli sendem hem i go bak.

Naoia long klab wetem addisen blong samfala bigfala nem olsem Fenedy Masauvakalo, Barry, Mansale mo Chikau Mansale, klab i stap welkamem bak tu most eksperiens pleia long tim, James Naka mo Dennis Ifunaoa, we oli shud kambak long wik ia.

Olgeta impot we oli stap ya finis i gat, Nelson Sale, Diego Maximo, Albert Whetney mo Santos, we hemi niufala straeka blong Brazil.

Etul hemi talem long Daily Sport se Tavarez hemi stap go bak mo sapos i happen se klab i go kasem long National Super League, bambae oli karem bak seves blong top midfilda ya bageken.

Tavarez hem sekon Brazilian we hemi go bak bageken bifo jampionship i stap afta long wan nara Diego we hemi kam be fisikoli hemi no majem futbol blong Vanuatu.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.