Galaxy FC hemi konfemem saening blong Nawo

Wetem Oceania Football Champions League hemi stap long nekis yia yet, Galaxy FC hemi statete olgeta rikrutmen blong hem finis.

President blong Galaxy FC, George Jackson wetem komiti blong hem oli anaonsem finis se Galaxy FC hemi saenem finis foma Amicale FC mo Tafea FC OFC Champions League pleia, Joses Nawo blong hemi pat long Galaxy FC long nekis sisen kasem OFC Champions League nekis yia.

“Wetem niufala rul blong OFC abaot olgeta intanasonal transfea pleia, we oli limitim i kam daon long 4 nomo, i mekem se mifala i stat blong jusum fes eva transfea pleia blong mifala ya nao hemi Joses Nawo, hemi bambae i happen long transfea windo long manis July,” George i talem.

Galaxy FC President hemi talem se Nawo hemi agri blong joenem Galaxy FC, we i minim se i gat 3 spes nomo i fri i stap blong karem olgeta ovasi pleia i kam long Galaxy.

Nawo wetem bigfala impruvmen we hemi soem long Netherlands naoia we i lukim hemi sko long everi frenli blong Solomon Islands nasonal tim, i soem se hemi karem bak fom blong hem bageken mo bambae hemi wan plus long Galaxy long nekis sisen.

“I gat plante pleia ovasi long Solomon Islands, Fiji, New Zealand, Australia, England, Senegal mo Brazil oli soem interes finis, be hemia bambae mifala i mas skrinim gud olgeta festaem bifo klab i konsidarem olgeta,” President blong Galaxy, George i talem.

George i talem se priority blong klab fes wan hemi long olgeta lokol pleia from olgeta nao bambae oli spendem moa taem tugeta bitim olgeta ovasi pleia we oli jas kam ya, be bageken hemi klab i nidim blong luk komitmen blong olgeta from bambae komitmen nomo i soem interes blong yu.

“Mifala i no wantem mekem olsem olgeta foma Vanuatu representatif olsem Nalkutan FC, Erakor Golden Star FC or Malampa Revivors FC we i lukim oli rilae long lokol talent leit i go insaed long kompetisen blong Oceania Champions League blong oli save karem klab i go thru. Recipe ya i neva wokaot nomo wetem olgeta las minit transfea from klab to klab ya insaed long PVFA.

“Klab i wantem karem olgeta ‘best’ lokol pleia, be bambae oli mas stap wetem klab thru aot long wan full sisen long manis July i go blong yumi save mesarem level blong yumi se yumi stap wea wetem tim,” George i kliarem.

“Las minit transfea i no wokaot mo Galaxy bambae hemi no entatenem hemia, yu wantem plei yu soem komitmen blong yu naoia i go.”

Galaxy FC hemi se naoia we olgeta i stap wet yet blong harem wina blong olgeta nara Memba Assosiesen blong oli plei from Vanuatu 1 mo Vanuatu 2, focus blong klab i stap go finis blong strengthenem tim redi from 2020 OFC Champions League.

“I moa beta blong yumi statem preperesen blong yumi naoia than yumi wet long las minit we hemi wan sik blong futbol long Vanuatu tede.”

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.