Football

Octav Meltecoin i selebretem sekon poen blong hem las wiken

Las wiken i lukim olgeta semi faenol blong Port Vila Football Association Opening Knockout.

Niufala kama insaed long premia divisen, Galaxy FC long wiken ya oli pruvum se oli minim bisnis taem oli kam blong aotem wan long olgeta pawa haus insaed long premia divisen, Tafea FC las wiken.

Galaxy we long sisen ya bambae oli plei long premia divisen oli openem sko long fes haf thru long Fenedy Masaufakalo mo Henry Namatak hemi skorem wan dabol. Wan long tufala poen ya hemi wan rocket we hemi sendem kolosap long haf laen we hemi faerem go long roof blong net afta long wan ribaon long wan kona.

Tafea FC hemi kambak insaed long sekon haf thru long Micah, be oli no save konvetem olgeta plante janis we oli bin gat.

Joseph Iaruel nao hemi hedem in namba 4 poen blong Galaxy long dei ya blong mekem 4-1 long feva blong Galaxy, mo semtaem bukum wan ples long grand faenol wetem BSP Amicale we olgeta tu i win long las wiken.

BSP Amicale i bin wok had blong bitim wan hard working mo semtaem yang Tupuji Imere tim long wan sko blong 4-3.

Tupuji nao hemi bin openem sko long maj ya, be i lukim Octav Meltecoin hemi kambak blong skorem 2 poen long maj ya, blong putum sko kolosap long end blong sekon haf long 3-3.

Substitute straeka, Christopher Andrew hemi kam insaed leit long sekon haf mo silim win blong BSP Amicale wetem poen blong hem.

Moa detail blong grand faenol bambae Daily Sport i jas kamaot blong talem.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.