Futbol

Shepherds United i selebretem wining poen blong hem las wiken

By Raymond Nasse

Port Vila Football Association (PVFA) Day 5 blong premia divisen i lukim Eksekiutif blong PVFA wetem Rafri Komiti oli agri se bambae everi mane we oli winim long dei ya bambae hemi go tuwods olgeta family blong Ambae.

Olgeta maj ofisol nomata we oli bin karem sam swear mo rabis toktok las wiken, oli bin agri se bambae oli wok fri nomo witaot eni alawens, iven oli kam insaed long Stadium oli pem gate, inkludum president blong PVFA, Stephen Felix.

Nomata we sun hemi hot long dei ya, olgeta fan oli kamaot plante blong soem sapot blong olgeta long klab blong olgeta mo tu long olgeta family blong Ambae.

“Long bihaf blong PVFA mi wantem talem bigfala tankio i go long olgeta fan, pleia, sekiuriti mo ofisol we oli kamaot long namba tede blong soem sapot blong olgeta,” President blong PVFA, Stephen Felix i talem.

“Hemi wan Sarere we i diferen long olgeta nara Sarere, from hemi wan dei we everi wan i pushum hand long poket mo givim smol assistens i go long olgeta family blong yu long Ambae we oli aotem olgeta long aelan blong olgeta mo naoia oli stap long Santo, Maewo mo Pentecost, mo sam oli kam long Vila tede.

“Smol help we yumi givim long olgeta tede bambae hemi inaf blong oli ‘settle’ mo satisfyem olgeta nid blong olgeta long situesen we oli stap go thru long hem naoia.

“Bageken tankio i go long effot blong everiwan we tede yumi save raisem Vt200,880 tuwods olgeta family blong yumi ya, olsem olgeta long National Disaster Management Office i stap talem se disaster hemi bisnis blong yumi everiwan,” Felix i talem.

Long olgeta maj las wiken, fes maj blong dei Tafea FC mo Tupuji Imere FC oli kam blong pleiemaot wan 0-0 dro nomata we tugeta saed i bin gat plante janis blong sko.

Sekon maj blong dei Shepherds United FC i kam bihaen blong winim Siaraga FC long wan sko blong 2-1.

Las maj blong dei, Digicel Amicale FC i hollem taet Ifira Black Bird FC long 0-0.

Long maj blong Fraede las wik, Erakor Golden Star FC i kam blong smashem nogud Mauwia FC long 7-1.

Premia divisen futbol bambae hemi kik off bageken afta long namba 15 Disemba, stret afta long Pacific Mini Games.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.