Futbol

Olgeta pleia, fan mo ofisol oli obsevem 2 minit saelens insaed long fil

By Raymond Nasse

Long Sarere long moning taem we tufala klab, Erakor Golden Star FC mo Digicel Amicale FC oli redi blong pleiem semi faenol blong AFIC Top 4 blong Port Vila Football Association (PVFA) nius i go raon se Hed blong Stet blong Nesen, Leit Baldwin Lonsdale i lus.

Stret awei taem we nius blong leit President Lonsdale i kamaot VASANOC we hemi umbrella body blong spot long Vanuatu mo Vanuatu Football Federation oli askem blong everi spot aktiviti raon long kaontri i stop blong peiem rispek.

Minister blong Yut mo Spot, Seule Simeon, hemi mas kam daon long Port Vila Stadium wetem ofisol leta blong advaesem se semi faenol i postpone, i mekem se President blong PVFA, Stephen Felix i askem long tugeta tim i kam insaed long fil wetem olgeta sapota we oli kam blong wajem maj, oli go insaed long fil, fomem wan ‘circle’ mo i gat wan 2 minit saelens olsem saen blong futbol i rispektem leit President Lonsdale.

Leit President Lonsdale hemi wan long olgeta faithful futbol fan espeseli long olgeta bigfala maj long stadium.

Hemi bin wantaem Kodineta blong Yut mo Spot long olgeta eli 1990s long Torba Provins, we hemi semtaem kodineta tu blong Vanuatu Football Federation long taem ya.

Olsem Hed blong Stet, leit President Lonsdale hemi Patron blong VASANOC.

PVFA hemi wantem advaesem everiwan se olgeta flag long stadium bambae hemi stap long ‘half-mast’ mo naoia we program blong stet funeral i kamaot, PVFA hemi stap muvum maj i go long Sarere long wiken ya long 2pm.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.