Futbol

Shepherds United blong plei Tupuji nekis wiken

Wetem TC Hola we hemi stap wan win nao insaed long olgeta wota blong Vanuatu mo pawa blong hem naoia i kasem kategori 4, Port Vila Football Association (PVFA) hemi wantem kamaot blong anaonsem se olgeta maj blong tede mo wiken ya, bambae oli stap muvum i go long nekis wik.

PVFA President, Stephen Felix, hemi kamaot blong talem se olgeta i disaed blong muvum olgeta maj i go long Wednesde nekis wik.

Long Wednesde bambae i lukim maj blong Wednesde wik ya, bitwin Erakor mo Siaraga we hemi aotsanding maj blong fes leg bambae tufala i pleiem aot long 3pm.

Long Fraede namba 16 March, bambae i lukim fes maj blong sekon leg i kik off, bitwin Tafea FC mo Mauwia FC, oltaem long 3pm.

Olgeta nara sekon leg maj bambae hemi kik of long Sarere namba 17, mo bambae i lukim long 11am, Siaraga i pleiem BSP Amicale, 1pm, Shepherds United wetem win blong olgeta agensem Ifira long las maj blong olgeta bambae oli pleiem Tupuji , we olgeta i bin winim las maj blong olgeta.

Shepherds mo Tupuji i stap faet had from wan ples insaed long Top 4, so i shud mekem wan interesting maj blong olgeta fan oli wajem.

Long 3pm, tufala hevi weit blong Saot Efate, Erakor Golden Star bambae oli plei Ifira Black Bird.

Maj ia i shud mekem wan interesting wan tu blong wajem, naoia we Ifira hemi jampion blong PVFA mo Erakor i jas kambak long Oceania Champions League mo oli stap lidim klasmen naoia.

Futbol blong PVFA hemi bin gat bigfala distebens las yia follem preperesen blong Pacific Mini Games, mo long yia ia, i bin stat leit from nomo se i gat Oceania Champions League, antap long hemia i gat wan saeklon bageken long full wik ia, mo ripot i talem se Port Vila i shud ekspektem sam moa saeklon yet long manis ya.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.