Futbol

Vanuatu U23 blong plei New Caledonia long fes maj

Fiji Football hemi blowem up nius blong olgeta blong kam long Vanuatu long everi media outlet long Fiji, Solomon Islands futbol nius long wiken hemi abaot tunamen ia nomo, we bambae hemi festaem eva bageken we wan kaen tunamen olsem i tekem ples, espeseli afta long Melanesian Cup.

Solomon Islands foma Oceania Football Confederation (OFC) Competition Manager, hemi bin traem ekstra had blong rivaevem Melanesian Cup las yia, be i no save nomo, ievn wetem help blong MSG Secretariat, be i lukim hemi manej blong statem Wantok Cup, we Solomon Warriors nao i winim, mo wetem tingting blong Vanuatu Football Federation i hostem New Caledonia, Fiji, mo Solomon Islands U23 long wik ia, olsem prepresen blong Pacific Games, hemi wan gudfala stat finis.

Wetem bigfala pikja ia, ekskludum preperesen blong Pacific Games long July, olgeta Melanesian kaontri i mas trastem bageken mo rivaevem Melanesian Cup, sins Vanuatu hemi save hostem hem wan.

Wetem olgeta tim oli araev long Tuesde, Tasde mo Fraede, i lukim tunamen ia long wiken, bambae hemi wan 3 dei tunamen, mo fomat blong hem hemi raon robin.

Olgeta fes maj blong wiken ia we long 12pm, i lukim Vanuatu hemi plei New Caledonia mo long 2pm, Fiji i plei Solomon Islands, oltaem long Port Vila Stadium.

Vanuatu hemi bin hostem Melanesian Cup long Luganville, long 1998.

Long nara nius iet blong futbol, las wiken i lukim Christopher Andrew, hemi kontiniu wetem fom blong hem taem hemi makem 2 poen agensem Port Vila senior skwad, blong winim maj blong Vanuatu U23 long 2-1 agensem Port Vila seleksen ia.

Ivong August nao hemi makem onli poen blong Port Vila, thru long wan penalty.

Olgeta entrens fee we oganaesing komiti i putum, i lukim Grandstand hemi Vt1000, aotsaed hemi Vt500 mo ol pikinini hemi Vt100.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.