Futbol

Stephen Felix (raet) olsem wan foma pleia i stap handem ova mane i go long niufala President blong Shepherds United, Lorrence Sisi mo koj Wilson August i stap witnessim

Foma Tafea FC President, mo longtaem Tafea FC Tim Maneja we naoia hemi President blong Port Vila Football Association (PVFA), Stephen Felix long Chief’s Day, hemi kamaot blong givim bak long klab we hemi bin plei long hem, Shepherds United FC.

Felix hemi handem ova insaed long konferens rum blong Port Vila Football Association Vt25000 i go long niufala President Shepherds United, Lorrence Sisi mo koj Wilson August.

Mane ya bambae Shepherds i yusum blong komplitim afiliesen fee blong olgeta blong sisen ya.

PVFA hemi bin sendem aot wan notis i go long olgeta klab blong PVFA blong oli mas komplitim olgeta afiliesen fee blong olgeta bifo oli pleiem olgeta aotstanding maj blong olgeta. Wetem mane ya Shepherds hemi komplitim afiliesen fee blong olgeta jas bifo oli enterem fil yestede blong dro wetem Ifira long 1-1.

Hemia nao program blong olgeta maj blong wik ya:

Long Fraede (tumoro), stret long 3pm, Tafea FC bambae hemi pleiem Yatel FC.

Long Sarere, long 11am, Erakor Golden Star FC bambae hemi pleiem Galaxy FC. Long 1pm, Shepherds United FC i plei Tupuji Imere FC mo long 3pm BSP Amicale FC i plei Ifira Black Bird FC.

Maj ya hemi olgeta aotstanding maj blong sisen ya, we bambae i lukim olgeta premia divisen klab ya oli pleiem kasem nekis manis.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.