Media Ofisa blong fes division klab blong Port Vila Football Association, Black Diamond FC, Tenkon William hemi kamaot blong apil i go long Port Vila Football Association (PVFA) mo Vanuatu Football Federation (VFF) blong traem addressem isiu blong straeking fos mo finishing.

William hemi talem se plante taem long intanasonal mo rijinol level mo tu long lokol lik kompetisen yumi luk dipatmen blong kipa,, difens mo midfil oli wok, be long saed blong finishing nao wetem streaking fos, hem nao i stap letem daon tim.

“Long futbol blong bifo we mi stap wajem, olgeta straeka olsem Britten

Waoute, Raymond Valette mo Morsen Nicholls, sapos i gat 1 o 2 difenda bambae oli save bitim isi nomo mo makem bol long net, be naoia wetem olgeta straeka blong yumi tede, ‘one on one’ wetem kipa, plante taem oli

no save putum bol long net,” William i talem.

“Mi stap apil i go long olgeta lokol koj raon long kaontri mo long PVFA mo

VFF blong traem kam tugeta mo faenem wan wei fowod blong helpem olgeta straeka mo finishing blong Vanuatu tede hemi go daon plante, mo

yumi nid blong addressem hemia olsem wan isiu we hemi stap afektem futbol blong yumi tede, mo sapos yumi no mekem eni ting long hemia naoia, bambae long fiuja yumi nogat wan straeka o sam straeka we taem oli hollem bol long leg nomo, yu save se bambae i mekem wan samting,” William i talem.

William hemi wantem wishim olgeta klab insaed long PVFA ‘best of luck’ long sekon leg blong jampionship we i kik off finis las wiken. Long nara nius iet blong futbol, Black Diamond hemi bin pleiem Seveners yestede aftanun be Daily Sport hemi go long print bifo risal hemi kamaot.

Long premia divisen long wiken, long 3pm, Mauwia bambae hemi pleiem Erakor Golden Star long Port Vila Stadium.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.