Futbol

Vanuatu nasonal difenda, Brian Kaltak i brek thru long wol blong Fiji. Photo: fifaworldcup2018stream

Afta we Vanuatu Football Federation (VFF) hemi bin anaonsem 52 man pri skwad, i lukim 2 wik trening sesen blong katem daon tim i kam daon long 25 man, hemi end long wik ya.

Olgeta trening sesen long Port Vila Stadium i bin stap long namba 4, 5, 6,11,12,13 Septemba.

VFF hemi bin anaonsem se Vanuatu bambae hemi pleiem 3 intanasonal frenli wetem Fiji, New Caledonia mo Estonia, be i lukim long wik ya, Fiji Football hemi anaonsem se bambae frenli wetem Vanuatu bambae hemi no save happen, from nomo se program blong olgeta i taet mo i no alawem se bambae tufala Melanesian kaontri ia i mit.

VFF hemi anaonsem tu se nasonal trening camp bambae hemi stap long namba 20 November.

Wetem nius ia i lukim futbol i gat 3 manis blong pripea bifo Pacific Mini Games long manis Disemba.

Long nara nius blong futbol dei 2 blong jampionship tede bambae i lukim long 11am, Ifira i plei Siaraga, 1pm, Amicale i plei Tupuji mo long 3pm Tafea i plei Erakor.

Tede bambae i luk Tafea mo Ifira we oli stap lidim tebol bambae oli lukaotem wan moa win blong kipim posisen blong olgeta long klasmen.

Erakor long narasaed bambae oli no no givim awei isi maj blong tede wetem Tafea olsem las wik wetem Ifira.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.