Karate

Fetuu Aho Sefa Shitokai Karate-Do (FASK) klab bambae hemi statem bak olgeta training class blong KATA/KUMITE long nekis wik wetem chief instructor blong Shito-Ryu, Sensei Peato Petelo Perkon mo trifala helpa blong hem, Mr. Pakoa Robert Gely, Olule Charles wete Olule Christopher.

Venue blong olgeta training sessions ia bai hemi stap long hall blong Lycee LAB.

Hemia nao schedule blong oleta dei mo taem blong train.

Training days: Everi Mande, Wednesde mo Fraede

Taem: 5.30pm kasem 6.30pm , hemi class blong olgeta olgeta pikinini mo olgeta adult beginners.

6:45pm kasem 7:45pm , hemi Karate-do class blong olgeta advanced karate student.

FASK hemi stap anda long Federation blong style Shito-Ryu, Shitokai Vanuatu Karate-Do, memba blong Asia Pacific Shito-Ryu Karate-Do Federation mo memba blong World Shito-Ryu Karatedo Federation.

Shitokai Vanuatu Karate-Do (SVKDF) hemi memba blong Vanuatu Karate-do Federation (VKF) we i affilliet iko long VASANOC.

SVKDF i stap selektem olgeta karateka blong hem blong representem two (2) provins long Vanuatu; hemia Shefa mo Sanma provins long olgeta National Games.

Any man, woman or pikinini we oli interest blong joinem class blong KATA/KUMITE Shito-Ryu, oli welkam blong collectem wan subscription form long haus blong Peato Petelo Perkon, long Namburu Park area, rod iko antap long nakamal blong komunity blong Pentecost. Contact numbers blong chief instracta emi 7795270 mo blong president 7774365.Go afta 6pm blong collektem olgeta subscription form ia.

I gat 3 narafala club blong Shito-Ryu we olgeta instrakta blong emi :

- Sensei Iauko Paul Henry – club Port-Vila Shito Ryu Karate-do

- Sensei Yawiko Marcelino – club scorpion Shito Rryu karate-do

- Sempai Breton Stephan – club 2eme lagon Shito Ryu karate do

FASK I stap lukaot place or hall blong olgeta I save kivim class blong KATA/KUMKITE long hem. Everi klab Shito Ryu oli shud normally statem olgeta training class blong olgeta long Monday namba 12 March 2018.

Olgeta venue blong trifala nara klab ya bambae SVKDF i jas kamaot blong anaonsem.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.