Futsal

Vanuatu Tigress tim afta long gem agensem Suva women’s tim. Photo: Telstar Jimmy

Wan futsal tim blong olgeta Vanuatu student long Suva, Fiji hemi stat long yia ia.

Nem blong tim hemi Vanuatu Tigress. Hemi kompraes plante long olgeta gel Vanuatu we oli stap stadi long Laucala, Suva.

Daily Sports hemi awea se hemia hemi festaem we wan woman futsal tim olsem hemi stat mo tekem pat long plante futsal kompetisen long Suva.

Telstar Jimmy, wan long olgeta senia memba blong tim i talem se olgeta i statem tim lo April 2018 from 3 risen.Fes wan hemi blong tekem pat long intanasonal futsal tunamen we hemi bin stap long manis Septemba. Sekon risen hemi blo faetem NCD mo helpem ol gel i keepim wan helti mindset lo midst blo studie. Las wan hemi blong kontinue blo socialize mo bildim wan strong netwok mo bond bitwin ol gel we i kam stadi lo USP lo Fiji, especially ol gel we i interest lo futbol mo futsal.

Tim hemi laki blong save kasem sponsasip i kam long Pillar Garments, wan kampani long Fiji we hemi bin sponsarem tu futsal tim blong olgeta boe.

Vanuatu Tigress hemi bin tekem pat long 2 bigfala tunamen long Fiji. Wan hemi Intanasonal Futsal Jampionsip mo oli winim 3rd ples wetem wetem wan amaon blong FJ$150. Sekon tunamen hemi taem tim i kam rana ap wetem wan cash praes blong FJ$200.

Tim hemi bin gat janis blong tren long Fiji Futbol Assosiasen Academy mo mekem sam frenly maj wetem samfala tim blong ol woman long Fiji.

Mrs. Jimmy i talem se fiuja plan blong tim hemi blong mentenem tim i stap long Fiji blong olgeta fuija students we oli intres long futsal oli save kontinu blong joinem. Hemi talem se olgeta we bai oli finis long stadi long yia ia oli hop blong statem wan sista klab blong Vanuatu Tigress long Vanuatu blong pat long Port Vila women Futsal lik.

“Mi wantem talem taniko lo tufala mein koj blo mifala, Lui Sifas mo Yannick Jimmy we oli helpem mifala blo kamap plante lo futsal skills.

“Tankio tu lo Dean Wotlolan, Renly Tari, Bob mo ol nara boe we oli help blo bildim tim.

“Mi hope se bae sakses blo tim lo yia ya bae i enkaarejem ol fuija student blong kontinue blo involve lo sports blo meintenem wan helti body mo mind lo midst blo tertiary studies blo olgeta”.

Vanuatu Tigress i bin involvem tugeta plante single mo mature woman insaed long tim we oli gat famili.

Tim ia hemi bin unaetem tugeta ol students ia long sports mo bildim wan strong friendship mo bond long journey blong olgeta long yia ia long Suva.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.