Futbol

Klasmen blong premia afta long dei 2

Port Vila Football Association (PVFA) premia divisen blong Digicel 2017/2018 jampionship dei 3, bambae hemi kik off tede long Port Vila Stadium long 3pm.

Be bifo yumi go long olgeta premia divisen, olgeta risal blong las Sarere i lukim long 11am long Kawenu fil, Pango hemi kam blong dro wetem Easton long 2-2.

Long maj blong 1pm, Black Diamond i winim Mauriki long 1-0 mo las maj blong dei long 3pm, North Efate i winim Yatel long 3-1.

I gat wan maj long Tasde las wik we i lukim Seveners i kam blong dro wetem ABM Galaxy long 0-0.

Sins Van 2017 bambae hemi yusum Digicel Amicale from Mini Games, olgeta sekon divisen gem, PVFA hemi muvum go long fil long Erakor, naoia we fes divisen bambae hemi yusum Kawenu fil.

Long olgeta sekon divisen maj blong wiken ya long Erakor fil, Narak i plei AS Ambassador long 11am, long 1pm, United Malampa i pleiem Varona FC mo long 3pm, Redal i pleiem Torba United.

Long premia divisen, tede long 3pm long Port Vila Stadium bambae i lukim bambae i lukim disaeda blong top blong klasmen bitwin Ifira mo Tupuji.

Tugeta saed oli no lusum wan maj iet, we i min se wan we i win tede bambae hemi topem klasmen, be sapos tufala i dro, Tupuji hemi still mentenem posisen long klasmen.

Long fes maj blong wiken ya long 11am, Digicel Amicale i pleiem Erakor, long 1pm, Tafea i pleiem Shepherds United mo long 3pm, Mauwia i plei Siaraga.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.