Futbol

Wan yang sapota blong Vaum United

Afta long olgeta semi faenol gem blong las wiken games blong Jules Ati Memorial Cup 2018, i lukim i bin gat 2 maj i tekem ples long Santo, Luganville Soccer City Stadium.

Fesfala semi faenol maj long Fraede namba 2 March, Malampa Revivors oli kam blong winim Seveners United long 4-2.

Sekon semi faenol long Sarere namba 3 March, Vaum United i kam blong winim Santos FC long 3-1.

Luganville Football Association (LFA) hemi setem program blong hem blong namba 3 mo namba 4 ples i tekem ples stret long Chief’s Day long namba 5 March, be i lukim LFA i muvum maj ia i kam long wiken ya.

Be follem rabis weta we i lukim saeklon Hola hemi bin stap mekem se i bin wind mo rain we i bin affektem kaontri mo semtaem rabisim kondisen blong fil long Soccer City Staadium, i mekem se LFA hemi mas postpone nomo maj blong wiken ya bageken.

Naoia we i stap Daily Sport i kasem infomesen se LFA Executive bambae oli jas sit daon mo kamap wetem wan nara deit blong oli jas anaonsem wetaem bambae olgeta faenol ya i kik off long hem.

I gat bigfala lukluk se olgeta faenol laekli se bambae oli stap afta long Telecom Vanuatu Limited Vanuatu Football Federation (VFF) National Super League (NSL) sekon raon.

NSL sekon raon bambae i kik off nekis wik stret long namba 15th March 201 long Luganville Soccer City Stadium, we i min se wan dei afta long kompetisen ya.

LFA i wantem apolojaes long olgeta pleia, klab mo olgeta family blong futbol long jenis ia, we saeklon Hola hemi kam mo distebem olgeta program blong futbol.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.