Futbol

Mr Hans blong Evergreen Ltd i stap handem ova wan shoes i go long kapten blong Tupuji, Rodney Serveux

Long taem we leit Pastor mo semtaem President blong Tupuji Imere FC, Philip Malas hemi bin stap hedem long taem premia divisen klab blong Port Vila Football Association, Tupuji Imere FC, olgeta i gat wan major sponsa nomo, Evergreen Ltd.

Ino longtaem nomo, bisnis blong Evergreen wan Chinese kampani hemi kam blong tek ova, be i lukim sapot blong bisnis ya long futbol klab ya i stop long las sisen.

Long wik ya, Evergreen Ltd hemi kambak bageken blong soem se bambae olgeta i stap bihaen long klab long niufala sisen wetem samfala donesen oli mekem i kam insaed.

Mr Hans we hemi Manager blong “Blue Spring” hemi konfemem komitmen blong sapotem klab ya ay afta we hemi handem ova Vt156,000 ‘worth of football shoes’ blong olgeta pleia long fored blong olgeta Eksekiutif blong klab.

Mr. Hans i asurum olgeta pleia mo Mele komiuniti blong stanap bihaen long klab ia mo traem givhan tu mo follem footsteps blong leit Malas, long hao i bin go abaot blong kivim bak long komuniti thru long wei we hemi bin sapotem Tupuji Imere FC long hamas yia we i bin stap wetem klab ya.

Nekis help we bambae klab hemi risivim mo oli prmois finis, hemi sam uniform mo training gear mo samfala moa.

“Olsem niufala President blong Tupuji Imere, mi bin haelaetem long fored blong Mr Hans se Tupuji Imere FC i kambak long sisen ia wetem yangfala tim we plante long olketa oli olgeta skul drop outs mo niufala patnaship ia bambae i helpem klab mo komuniti blong play spot mo givim physical fitness oltaem long olgeta, semtaem oli traem katem daon alcohol, kava, marijuana mo sigaret long vilij,” Jean Noel Anis i talem.

Long nara nius blong futbol, afta long olgeta maj las wiken klasmen i luk olsem:

1. Tafea 16

2. Ifira black bird 12

3. Galaxy 11

4. Bsp amicale 10

5. Erakor golden star 8

6. Shepherd’s United 3

7. Yatel 3

8. Tupuji imere 2

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.